Nae dien claes va(n) winghe hebben(de) v(er)pacht/ duytvue(re)n vande(n) bedde(n) comen es bijd(en)/ rade vander stad opdoende en(de) ky(n)nen/ geven(de) hoe div(er)se oudecleercoep(er)s hem/ dagelijcx ontstaken sijn recht dwelck/ hem sculdich was te comen(e) vanden/ uutvueren(e) vande(n) bedden niet willende/ hem clee(re)n va(n) sgheens des sij dien ae(n)gaen(de)/ sloten maer dagelijcx seyden dat sij/ dat niet sculdich en wa(r)en va(n) doene/ maer dat hij soude vinden en(de) hebben/ daer op peet(er) plavier gesworen(e) vande(n)/ selve(n) a(m)bachte seyde dat hij meynde en(de)/ hyel voer recht dat niet sculdich wa(r)en/ he(m) e(n)nichsins te clee(re)n noch oeck nyeman(de)/ voerts te bringen(e) maer dat claes sculdich/ soude sijn te vinden(e) en(de) hebben(e) en(de) and(er)s/ niet en(de) soe wordde uutgesproke(n) en(de) get(er)mi/ neert dat claes van eene(n)yegeliken daer hij/ op suspicieerde soude moghe(n) neme(n) den eedt/ va(n) sgheens des sij geslete(n) hadde(n) by(n)nen sijnd(er)/ om d(aer) van tsijne te hebben(e) act(um) cor(am) eisd(em)