Nae dien gielijs de smet op heden comen is bijden rade/ des(er) stad van loeven(e) tegen katlijnen peet(er)s ald(air) de/ selve gielijs v(er)socht dat de voirs(creven) katlijne metten voirs(creven)/ gielijs tsamen alsulcken huys metten toebeh(oirten) gelegen/ inde mynderbruede(re)nstrate hopen(de) dat de voirs(creven) katlijne/ bedwonghen soude tott(er) voirs(creven) deylingen het zij mett(er) my(n)nen/ oft metten meye(re) en(de) stadmeesters des(er) stad gem(er)ct dat/ de voirs(creven) katlijne huer ov(er)langhe tijden te div(er)sen stonden/ in rechte v(er)antwordt en(de) gheexcuseert mits dat der voirs(creven)/ katlijnen brueder buyten lants was Dair op de voirs(creven)/ katlijne seyde dat huer brueder ov(er) lange(n) tijt buyten/ lants geweest hadde en(de) v(er)staen dat hij in vranckrijcke/ woenachtich dair o(m)me de voirs(creven) katlijne allegeerde dat/ huer niet moegelijck en wa(r)e in absen(cien) van hue(re)n brued(er) enige/ deylinge te doene want zij gheen machtich(eit) en hadde van hem/ Te voirde(r) want de voirs(creven) huer brued(er) meer rechts p(re)tendeerde/ te hebben inde voirs(creven) goede dan de voirs(creven) gielijs soude moege(n) kynne(n)/ en(de) nae al des voirs(creven) steet soe is get(er)mineert dat de voirs(creven) ka(tlij)[ne] dach/ hebben sal van vi weken om hue(re)n brued(er) tontbieden en(de) om alsd(an) tott(er)/ voirs(creven) deylingen te v(er)staene weten(de) oft de voirs(creven) huer brued(er) bynnen de/ vi weken niet en comp(ar)eerde dat de voirs(creven) ka(tlij)[ne] dair bij roepende den he(re)/ in dese stad voe(r) den brueder alsd(an) deylinge sculdich sal zijn te doene en(de)/ de voirs(creven) giel(ijs) sal sculd(ich) zijn alsd(an) zijn kynde(re)n en(de) de ghene die van zijnd(er)/ zijden deel hebben inde selve goeden bijder hant te bringe(n) oft voe(r) de gebreckel(ijckheit)?/ inne te stad en(de) souffissante caucie bynne(n) des(er) stad te stellen(e) goetgenoech zijnde/ cor(am) scoenvorst ijssche burg(imagistr)[is] boechout baets scab(inis) et aliis de cons(ili)[o] ja(nua)[rii] xxiii