Vanden gedinge dat voer meye(r) ende scepen(en) van loven(en) geweest is/ tusschen gielijse den putte(re) die bynne(n) corte(n) jare(n) herwerts gecocht/ en(de) gecregen heeft tegen willem(me) den coni(n)ck een huys en(de) hof/ met zijnder toebeh(oirten) gelegen inde hoolstrate in deen zijde ende/ jacop meest(er)kens die naest den selve(n) huyse en(de) hove oick/ liggen(de) heeft een huys ende hof dat teghen tvoirs(creven) erve/ voirmaels gedeylt was in dande(r) Als van eene(n) wege met/ eene(n) wagen(en) te varen(e) ende te keren(e) met meste met stroo/ met houte en(de) anders die de voirs(creven) gielijs seyde dat de voirscr(even)/ willem de coni(n)ck zijn v(er)coepe(r) voe(r) ende hij nae over xxx jaer/ ende daghe en(de) daerenbove(n) gehadt hadden en(de) gebruyct doer/ een poerte d(aer) staen(de) de(n) voirscr(even) jacope toebehoiren(de) achter tot
//
hue(re)n erve aldair dwelck hij boodt te thoene(n) Hopen(de) oft hijt/ gethoene(n) conste dat hij dan in zijne(n) gebruycke en(de) possessien/ blive(n) soude en(de) schuldich wae(re) te bliven(e) Dair op de voirs(creven) jacop/ hem verantwerden(de) ontkinde den voirs(creven) gielijse zijn vermet en(de)/ seyde dat hij dat ne(m)m(er)meer thoene(n) en soude Seyde/ voirts dat de voirs(creven) goede voirtijts en(de) over meer dan xxx/ jaer tege(n) malcande(re)n gedeylt ware(n) geweest tussche(n) zijn oud(er)s/ ende de vorders des voirs(creven) willems de coni(n)ck dair scepen(en)/ br(ieve) af ware(n) die de voirs(creven) gielijs oft e(m)mer wille(m) de coninck/ zijn v(er)coep(er)e hebbe(n) mochten d(aer)inne men oppe(n)baerlijck bevi(n)de(n)/ soude dat de selve wille(m) de coni(n)ck noch zijn vorders niet/ meer dan met eender kerre(n) over tvoirs(creven) erve te vare(n) en(de)/ te keere(n) tot hue(re)n erve d(aer)achter behouden en hadden Tot/ welke(n) br(ieve) de selve jacop meesterkens hem gedroech oft zijn p(ar)tien/ die voir oghen bringen wouden en(de) alsulken wech oft gebruyck/ van kerren p(rese)nteerde hij den voirs(creven) gielijse hopen(de) dat hij d(aer)mede/ gestae(n) soude ende dat de voirs(creven) gielijs voirder ne(m)m(er)meer/ thoene(n) en soude Was gewijst bijden he(re)n scepen(en) van loeven(en)/ ter manisse(n) smeyers nae aensprake v(er)antwerde(n) van beyde(n) p(ar)tien/ en(de) thoenisse des voirs(creven) gielijs die zijns v(er)mets niet en volqua(m)/ dat de selve gielijs mette(n) gebruycke vande(n) wagen(en) alsoe/ hij voirtstelde verdoelt wae(re) alsoe v(er)re als noch voir scepen(en)/ come(n) was opde p(rese)ntacie des voirs(creven) jacops vande(n) gebruycke/ vand(en) kerre(n) soe hij die gep(rese)nteert hadde p(rese)ntibus o(mn)ib(us) scab(inis)/ dempto py(n)nock m(ar)tii vii