It(em) jouffr(ouwe) katlijne lobbe p(ro)fesse inden goidshuyse vander banck/ bij loeven(e) met wille weten(e) consente en(de) bijzijne va(n) m(ijn) vrouwen/ en(de) den co(n)vente desselfs goidshuys en(de) oic met consente cornielijs/ va(n) berghen als mo(m)boir desselfs goidshuys vand(er) stadt wegen/ renuncian(s) in p(rese)ncia heeft gekint en(de) gelijdt dat huer en(de) den/ selve(n) goidshuyse allessins genoech gedaen es mits alsulken bee(m)pdeken/ in kycxham gelegen en(de) drie mottoenen erflijc op drie dach(mael)/ lants gelegen opt keerb(er)ghen velt alse huer voir huer kints/ gedeelte bewesen zijn met deylingen va(n) scepen(en) brieve(n) van/ keerb(er)ghen dair op gemaect int jair xiiii[c] lxi xi dage in merte/ Opde goede inde selve deylinge begrepen tot behoef va(n)/ hue(re)n suste(re)n inde selve deylinge begrepen behoirlijc worpen(de) en(de)/ verthijden(de) geloven(de) de selve deylinge va(n) weerden te houden(e)/ en(de) dat zij voirt ofts behoefde vanden selve(n) goeden hant en(de) / mont leenen sal voir hof en(de) hee(re) dairaf men de selve goede/ houden(de) es soe wa(n)neer zij des versocht sal wesen ten coste vand(en)/ ghenen diese beghee(re)n sal met condicien dat de voirs(creven) jouffr(ouwe)/ ka(tlij)[ne] alsoe lange alse katlijne baten weduwe wilen mach(iel)/ lobbe huer moeder leven sal niet meer trecken en sal dan/ viii mottoen(en) tsjaers d(air)af dierste betali(n)ge inne gaen sal van/ lichtmesse naestcomen(de) over jair en(de) niet eer En(de) nae de doot der/ selver huer(er) moeder sullen de voirs(creven) jouffr(ouwe) ka(tlij)[ne] en(de)n tgoidshuys de/ selve goede erflijc ae(n)veerden cor(am) abs(oloens) hoeve(n) m(ar)cii x