Nae dien dat voirmaels ja(n)ne boxhoren wonen(de) inde/ parijstrate en(de) henricke vand(er) horst bijde(n) raide vand(er) stat nota/ belic v(er)gad(er)t toegevuecht en(de) gelast es de mo(m)borie(n) de admi(ni)st(ra)cien/ regime(n)te dbewint en(de) hanteri(n)ge vande(n) wettige(n) kinde(re)n jans/ wilen de hane en(de) va(n) wijle(n) sijne(n) voirwive en(de) hue(re)n goede(n)/ niet tege(n)staen(de) dat d(aer) inne de wed(uwe) desselfs wile(n) jans die/ stiefmoed(er) was d(er) selv(er) kinde(re)n belet dede en(de) swarich(eit) maicte/ en(de) dat pijnde met slincke(n) uutwege(n) te wed(er)legge(n) En(de) dat/ alsoe d(er) selv(er) stiemoed(er) bevole(n) es geweest bijde(n) selve(n) raide/ hue(r) hande d(aer)aff te lichte(n) en(de) die kinde(re)n mette(n) selve(n) goid(en)/ have(n) en(de) brieve(n) ov(er) te leve(re)n den selve(n) mo(m)boire(n) te voirde(r)/ wa(n)t zij vande(n) selve(n) kinde(re)n vreemde wae(r) en(de) die gheenss(ins)/ en bestont en(de) de voirs(creven) jan boxhore(n) va(n) sijns wijfs wege(n)/ oem was vande(n) selve(n) kinde(re)n en(de) de voirs(creven) stiefmoed(er) dese(n)/ niet tege(n)staen(de) en(de) ongehoirsam d(er) voirs(creven) t(er)mi(n)acien wesen(de)
//
vast bij en(de) ond(er) hue(re)n bewinde behielt deen vande(n) selve(n) kinde(re)n en(de) oic alle de/ goede have en(de) erve d(er) selv(er) kinde(re)n En(de) hadde dat selve kint zed(er) d(er) selver/ t(er)mi(n)acien en(de) in g(r)[o]ter v(er)smadenisse(n) d(er) selv(er) va(n) dier te huwelijke aen huer/ bast(ar)de docht(er) v(er)leydt en(de) geinduceert nochta(n) dat dat kint dwelc doen/ buyte(n) hue(re)n bewinde mits d(er) voirs(creven) t(er)mi(n)acie(n) sculd(ich) was te sijne bove(n)/ de xv jair niet oudt en was en(de) huer bastart docht(er) voirs(creven) gheen x jair/ oudt en was Soe sijn wed(er) come(n) bij de(n) raide voirs(creven) de voirs(creven) jan en(de)/ henr(ick) mo(m)boirs dit den selve(n) raide cundigen(de) en(de) opdoen(de) bege(re)nde dat/ de selve t(er)mi(n)acie t(er) executie(n) gestelt wordde en(de) dat de voirs(creven) stie/ moed(er) bedwonge(n) wordde die tacht(er)huyde(n)[volgen] en(de) hue(r) hande int geheel te/ lichte(n) va(n) beyde den kinde(re)n en(de) va(n) hue(re)n goide(n) have erve en(de) vliegen(de)/ erve die zij niet en beg(er)den taenveerde(n) noch dbewint d(aer)aff te/ hebben(e) dan op goede(n) inve(n)tar(is) en(de) op wettige rekeni(n)ge D(aer) tege(n)/ de voir(creven) stiemoed(er) meynde dat hue(r) de have nae den lantrechte toe/ behoirde en(de) insgelijcx de tocht in huers mans die d(er) kinde(re)n vad(er)/ was erfgoede D(aer) tege(n) de voirs(creven) mo(m)boirs allig(er)den dat sij he(n) noch/ t(er) tijt niet en stiete(n) aende have die ja(n)ne den hane d(er) kinde(re)n [vader] toebe/ hoirde noch oic aende erve oft vliegen(de) erve die de selve jan/ de hane nae de doot va(n) sijne(n) yerste(n) wive d(er) voirs(creven) kinde(re)n moed(er)/ v(er)crege(n) mach hebbe(n) noch oic aen tgene d(aer) aen de stiemoed(er) nae/ den lantrechte sculd(ich) wae(r) huer tocht te hebbe(n) oft(er) yet wae(re) des/ zij meyne(n) neen mair alleene aen alle de have vliegen(de) erve en(de)/ erve die den selve(n) kinde(re)n nae huer(er) moed(er) doot aengestorve(n) sijn/ van wijlen d(er) wed(uwe) boens huer(er) pitte(n) die lang(er) leefde dan hue(r)/ docht(er) d(er) selv(er) kinde(re)n moed(er) En(de) voirts aen alsulke(n) vliegen(de) erve en(de) erve/ alse d(aer) uut wijle(n) d(er) voirs(creven) kinde(re)n moede(r) gestorve(n) es die soe/ sij hoepte(n) hen inden name vanden selve(n) kinde(re)n nae den lantrechte op/ inventar(is) en(de) rekeni(n)ge voirs(creven) om tott(er) selv(er) kinde(re)n meesten orbe(r) en(de)/ p(ro)fijte te bekee(re)n sculdich wae(re)n te volgen en(de) niet in hande(n) en(de)/ regime(n)te vand(er) selv(er) stiemoed(er) die den kinde(re)n vreemde was/ te blive(n) dair tegen de voirs(creven) stiemoed(er) met div(er)sen slincke(n) voir/ nemen(en) replice(re)nde Ald(aer) uut(er)lic d(er) selv(er) stiemoed(er) bijde(n) voirs(creven)/ raide nae dien dat vand(er) voirs(creven) voirhandelingen genoech kynniss(en)/ was gelast ende bevolen weert ende oic uutgesproken opde/ correctie vand(er) stat dat zij acht(er)volgen(de) des voirscr(even) steet hue(r)/ hande t(er) stont lichte vanden voirs(creven) kinde(re)n en(de) hue(re)n goide(n) en(de)/ die overleve(re) en(de) laet volgen den voirs(creven) mo(m)boire(n) Met intima/ cien oft dair langher v(er)treck oft gebreck inne gebuerde dat/ de stat dat alsoe corrige(re)n et uutrichten soude dat sij soude/ sijn exemple van ande(re)n Act(um) in pleno (con)silio opidi p(rese)ntib(us)/ nausnyde(re) sub(stitu)[to] burg(imagistr)[o] liefkenrode hoeve(n) tybe thenis scabinis/ absoloens hermeys borch consiliariis et plu(r)ib(us) aliis de (con)silio/ ipso die veneris decembr(is) xv