Vander aenspraken die willem platteborse gedaen heeft op ja(n)ne/ heyns poirte(r) van des(er) stat van eene(n) bruketele die de selve/ willem mits seke(re)n voirlieve ov(er)hadde soe dat v(er)redent was/ voir hee(re) en(de) wet van jeroene van doirne welke jeroen/ dien gecocht hadde tegen den vad(er) en(de) sone brued(er) va(n) rom/ boute beke voir en(de) om tusschen de xxii en(de) xxiii r(inssche) gul(den)/ Seggen(de) de selve willem dat hij den voirs(creven) ja(n)ne heyns/ als geleyt tot des voirs(creven) rombouts goede(n) acht(er)volgen(de)/ d(er) coema(n)scap vanden selve(n) ketele en(de) meer ande(re)n goede(n)/ vestich(eit) en(de) ond(er)pant gestelt hadde voir ii(½) r(inssche) gul(den) lijfp(ensien)/ ten live vande(n) selve(n) ja(n)ne en(de) va(n) sijnd(er) maerte(n) en(de) dat/ de selve willem den voirs(creven) ja(n)ne als geleyt tot des/ voirs(creven) rombouts goede(n) noch geve(n) moste en(de) gelove(n) bove(n)/ des voirs(creven) es vijff r(inssche) gul(den) in gereede(n) penni(n)gen tot eene(n)/ seke(re)n dage voir de voirs(creven) instrume(n)ten Ende dat hij
//
willem ond(er)sproken hadde doen dat gebuerde want hij v(er)staen/ hadde datmen vande(n) voirs(creven) ketele aenden meest(ere) die dien/ gemaict hadde noch tacht(er) was Dat hij hebben woude/ vry goet om vry gelt en(de) dat de selve jan d(air)op geant/ weert hadde seggen(de) dat es redelijc ic saelt u doen wa(n)t/ ic die geleyt bin tot allen den goeden en mach niet v(er)liese(n)/ en(de) dat de selve jan als geleyt gelijck vo(r)e hem de selve/ goede hadde doen leve(re)n met brieve(n) va(n) des(er) stat en(de) doen/ scutte(n) en(de) cesse(re)n ande(re) creditue(re)n die d(air)op volchde(n) Dat/ voirts (contra)rie den voirs(creven) toeseggen(e) seke(r) vervolch gedaen was/ met beslage opde(n) ketel bij seke(re)n p(er)sone(n) va(n) bruessele die/ dien gemaict hadden en(de) vercocht en(de) alsoe dat hij hem/ besorchde va(n) dage te dage dat hem dien afgepant/ soude wordden voir den eysch en(de) actie d(er) selv(er) p(er)sone(n)/ die dien v(er)cocht hadden En(de) dat hij willem den selve(n)/ ja(n)ne heyns hadde moete(n) voldoen tott(er) so(m)men va(n) xxx/ r(inssche) gul(den) soe mits d(er) lijfpen(sien) en(de) ande(re)n gereede(n) penni(n)gen/ Dese pointe(n) oftse hem ontkint wordde(n) p(rese)nteerde hij te be/ wijsen hopen(de) oft hij dat conste gedoen dat de voirs(creven)/ jan heyns met sijnd(er) gelufte(n) gehoude(n) soude sijn hem den/ co(m)mer en(de) dbelet vanden ketele d(air) alle sijn neringe en(de)/ welvaert aen stont af te doen(e) alsoe dat hij ombelet/ hem d(air) mede behulpen mochte Op dwelc de voirs(creven) jan/ antweerden(de) en(de) bekinde met soe volcomelijcken alle de/ pointen voirs(creven) soe de voirs(creven) aenlegge(r) die bijgeleecht hadde/ Mair dede seggen al mocht e(n)nich rastame(n)t gedaen sijn noch/ en hadde de selve aenlegge(r) niet v(er)loren noch mont/ te spreken(e) met meer reden(en) bij hem gealligeert meynde/ d(er) aenspraken ongehoude(n) te sijne Te voirde(r) oic want/ al mocht hij geleyt sijn d(air) mede v(er)volcht hebbe(n) nae des(er)/ stadt recht soe hadde nochta(n) doffic(ie)r ten v(er)sueke vand(er) stat/ tvercoopen gedaen ten bijsijne vanden voirs(creven) vad(er) ende/ brued(er) van romboute beke en(de) dair op hem voldaen/ sijnde hadde hij sijn recht en(de) scepen(en) brieve(n) gea(n)nichileert/ Hebben de scepen(en) van loven(e) t(er) manissen smeyers gewijst/ voir een vo(n)nisse nae den thoen dair op bijden aenlegge(re)/ geleyt die genoech sijns v(er)meets volqua(m) en(de) d(er) p(rese)ntacien/ die de voirs(creven) jan dede te weten(e) soe wa(n)neer willem/ vanden ketel sal aengesproken wordden met rechte dat
//
hij dat met sijne(n) beleyde alh(ier) betrecken en(de) tot sijne(n) coste sal/ hulpen v(er)antweerde(n) Oft inde(n) gevalle hij dat hier niet/ en conste hulpe(n) v(er)antweerde(n) dat hij dat tot sijne(n) coste/ sal hulpe(n) v(er)antweerden ind(er) banck ald(air) dat jan heyns met/ sijnd(er) p(rese)ntacien gestaen sal Behalve(n) oft den ketel met rechte/ den aenlegge(re) afgewonne(n) wordde dat de selve jan in dien/ gevalle hem d(air) voe(r) innestaen sal In sca(m)pno julii v