Tusschen janne van zo(n)ne sinte pet(er)sman ter eend(er) ende/ ghijsbrecht hubrechtss(one) van loen inden name en(de) van wegen/ jonch(e)r jans hee(re) van tilborch en(de) zijns scouth(eit) aldair t(er) ande(r) es/ overdragen en(de) bij partien aengenomen dat des voirs(creven) s(in)te pet(er)smans/ zone in zijne(n) broode wesende geva(n)gen sitten(de) te tilberch t(er) stont/ ontslagen sall worden costeloes ende scadeloes vander hachten/ dair hij eene wijle tijts inne geseten heeft ende den dach van/ rechte op ghiste(re)n dienen(de) voe(r) den raide vander stadt als opden/ tweesten brief aenden hee(re) ende schouth(eit) gesonden hebben de/ selve sinte pet(er)sman ende de voirs(creven) ghijsbrecht inden name als voe(r)/ geco(n)tinueert ende verlengt tot van morgen over vier weken/ naistcomen(de) te mistijde om alsdan te dienen(e) tusschen partien/ gelijck dien op ghiste(re)n gedient soude hebben in consilio/ opidi februarii duodecima
//