Want pet(er) da(m)moede als geleydt nae des(er)/ stadt recht voir sijn wettich gebreck uut/ crachte van scepen(en) brieve(n) van loven(en) tot alle(n)/ den goede(n) beyde have en(de) erve jouffr(ouwe) ozile/ colet weduwe reyniers wile(n) le begghe/ en(de) anceal le begghe huers soens soe wair/ die gelegen sijn hem met eene(n) open(en) placcate/ van des(er) stadt gescreve(n) aen alle officie(re)n oft hue(re)n/ stedehoude(re)n alle deselve goede behoirlijck heeft/ doen leve(re)n en(de) dach van rechte doen besceyden/ d(er) voirs(creven) jouffr(ouwe) ozile colet en(de) anceal hue(re)n sone/ om te compare(re)n inde banck voir meye(r) ende/ scepen(en) van loven(en) oft zij hen dair teghen hadd(en)/ willen oppone(re)n ald(air) zij op heden als ten ver/ streken(en) daighe nyet gecompareert en zijn noch/ procur(ator) van hue(re)n wegen hem dair teghen/ oppone(re)nde den voirs(creven) geleydden altijt compare(re)nde/ en(de) trecht voirt versueken(de) Soe hebben scepen(en)/ van loven(en) t(er) manissen smeyers nae dat hen/ bij rescripte smeyers van jandrain en(de) smeyers/ van meleyn en(de) desgelicx bij rescripte lodewijcx/ marick baillu van jache behoirlijck gebleke(n)/ heeft de voirs(creven) leveri(n)ghe en(de) dach besceydi(n)ghe/ geschiet te sijne gewesen voir een vonnesse wair/ de wed(er)p(ar)tie des voirs(creven) geleydden nyet en/ compareert ten opstaene smeyers en(de) der scepen(en)/ datmen den selve(n) geleydden houd(en) soude/ inde macht van sijne(n) beleyde scepen(en) brieve(n)/ en(de) leveringhe(n) alsoe verre alst noch voir scepen(en)/ comen es In scampno augusti xix