Want arnt hanckart die uut crachte van scepen(en) brieve(n)/ van loven(en) ov(er)lang gepasseert houden(de) ende besitten(de) es een/ half mudde rocx erfpachts vallende jairlijcx opte(n) xviii/ dach der maent van aprille aen en(de) op de goede ende/ onderpande nabescreve(n) Te wetene aen ende op een stuck/ heyden houdende omtrint een boend(er) gehelege(n) t(er) plaetsse(n)/ geheete(n) le vallee de preste aende goede der erfgename(n)/ adams wijle(n) dele vacheree t(er) eenre ende de goede/ stas wijle(n) hannarde en(de) d(aer)nae ph(ilip)s de dyon t(er) ande(r)/ Item aen ende op vier boende(re)n soe lant soe bosch heyde/ luttel min oft meer geleg(en) t(er) plaetsse(n) geheete(n) mynon sarte/ comende aenden hoff va(n) zeke(re)n p(er)soene(n) geheete(n) wat(er)aulx/ t(er) eenre en(de) den voetwech gaende te florivael/ weert ter ande(r) zijden Item aen ende op negen
//
dachmale(n) soe lant beempt soe bosch luttel min oft/ meer gelege(n) in mynon sarte comen(de) aende goede/ bertelmeeus del bauwette t(er) eenre ende den wech/ gaende bove(n) dlant van greve(n) ende van wave(r)/ Item aen ende op vijff dachmale(n) lants luttel min/ oft meer comen(de) aende goede henricx wijle(n) lathouwe(re)/ t(er) eenre ende de goede wijle(n) stas hannarde d(aer)nae/ der erfgename(n) ph(ilip)s de dyon ter ande(r) zijden/ hem met brieve(n) van des(er) stadt gescreve(n) aend(en) meye(r)/ van grave(n) oft zijne(n) stadhoude(r) alle de selve goede ende/ onderpande behoirlijck heeft doen leve(re)n ende willem(me)/ de hane dach van rechte alhier te compare(re)n inde/ banck voir meye(r) ende scepen(en) van loven(en) oft hij/ hem tege(n) de selve(n) leveri(n)ge hadde wille(n) oppone(re)n/ oft yet allege(re)n doen bescheyden Aldair hij/ op heden als ten verstreken(en) daghe niet geco(m)pareert/ en es den voirs(creven) arnde compare(re)nde en(de) trecht/ voirt versueken(de) soe hebbe(n) de scepen(en) van/ loven(en) t(er) manisse(n) smeyers nae dat hen bij rapporte/ thiebouts steenweegs des(er) stadt bode behoirlijck/ heeft gebleke(n) de voirs(creven) leveri(n)ge en(de) dachbesceydi(n)ge/ behoirlijck geschiet te zijne gewesen voir een/ vonnesse wair de wed(er)p(ar)tie des voirs(creven) arnts/ niet en compareert voe(r) den opstaene smeyers/ en(de) der scepen(en) datme(n) den voirs(creven) arnde vand(en)/ voirs(creven) goede(n) houde(n) soude inde macht va(n) zijne(n)/ scepen(en) brieve(n) van loven(en) en(de) leveri(n)gen voirs(creven)/ alsoe v(er)re alst noch voir scepen(en) come(n) es in sca(m)pno/ septembr(is) x