Nae dien jouffrouwe katlijne coleneers nu t(er) tijt weerdy(n)ne/ jans van oucle met behoirlijcke rasteme(n)te(n) naed(er) stat/ recht voe(r) seke(r) hue(r) schult heeft gevolcht op zeke(r) haeflijck(er)/ goeden wesen(de) int scaep toebehoiren(de) eene(n) geheeten [vacat]/[vacat] die tande(re)n tijden tot hue(re)n huys inden wildeman/ gelog(er)t heeft dair af de scepen(en) ter manissen smeyers beg(er)t hebben den vorste(r) en(de) dienare taenhoiren vanden selven/ rasteme(n)ten Dwelck acht(er)volgen(de) den selve(n) vo(n)nisse willem/ claes vorste(r) behoirlijck gecleert heeft tselve bij hem geschiet/ te zijne versueken(de) alsoe voirt de selve jouffr(ouw) katlijne/ trecht Als dat de scepen(en) van loeven(en) des voirde(r) gemaent/ zijnde gewesen hebben ter manissen smeyers deselve jouffr(ouw) tot cleernissen van hue(re)n scult De welcke zij gecleert heeft/ bij hue(re)n eede als dat behoirt gedragen(de) xxxviii stuv(er)s/ eens sonder cost en(de) co(m)me(r) Versueken(de) alsoe alnoch soe/ zij totter selver [hue(re)r] geverificeerder scult soude moegen geraken/ ende de scepen(en) bij meye(r) in des(er) gemaent te hebben die/ uut(er)lijck gewesen hebben dat de voirs(creven) jouffr(ouw) hue(r) gecleerde/ scult verhalen soude aen de voirs(creven) gerasteerde goede ende die/ ten hoeghsten bringen vij alsoe overde dair yet dat zij dat/ wederke(re)n sal en(de) gebrect dair yet dat zij dat voirts/ volgen sal met rechte In scampno maii/ xxii