Item de voirs(creven) katlijne van zallaken die een oude/ onv(er)moege(n) p(er)soen es o(n)mechtich en(de) beroeft huer(er) leden/ soe dat zij met arbeyden noch op huer goet mits den co(m)me(re)n
//
die sij soe van laureys huers soens wege(n) van/ zijnd(er) borchtocht soe and(er)s te drage(n) heeft egheenssins/ en soude conne(n) ontdrage(n) noch hene(n) gecome(n) in dade alleene/ den troest en(de) behulp vand(en) voirs(creven) woute(re)n en(de) sijnen/ wive huer(er) docht(er) docht(er) heeft opde(n) troest vanden/ selve(n) woute(re)n en(de) sijne(n) wive oick uut crachte vand(en)/ voirs(creven) testame(n)te en(de) d(er) voirs(creven) clausule(n) dair inne begrepe(n)/ geheelijck getransporteert en(de) ov(er)gegeve(n) en(de) mits desen/ en(de) oick mits des nae bescreve(n) steet transporteert en(de)/ gheeft ov(er) den selve(n) woute(re)n en(de) sijne(n) wive om hue(re)n/ vryen wille dair mede te doen(e) alle hue(r) gereede/ goede have en(de) vliegen(de) erve huysraet en(de) al tgheene/ des zij d(air)aff heeft en(de) oick alle de wettige sculde(n) dieme(n)/ heur sculdich mach sijn maken(de) hen dier machtich irr(e)/ vocabilit(er) te mane(n) teysschen met rechte te vervolgen/ te bedingen te wynne(n) te v(er)liesen quitan(cie) te geve(n) Et/ g(e)n(er)alit(er) absq(ue) aliquo computu seu ratione promitt(ens)/ rat(um) cor(am) eisd(em)