Want meest(er) bertel(meeus) kyp secretar(is) der stadt van/ loeven(e) sone wijlen arnoldi geleydt zijnde in zij(n)d(er)
//
levend(er) tijt voir zijn wettich gebreck uuyt crachte/ van scepen(en) brieven van loeven(e) tot allen den goeden/ beyde have en(de) erve jans vander stoct ende besundert/ totten goeden hier nae bescr(even) liggen(de) ond(er) rotselair Ierst/ int scoubroeck (½) boend(er) beempts regenoet jan yngels/ op deen zijde en(de) augustijn opden berch op dand(er) zijde/ en(de) dit hult wout(er) fobelet It(em) noch drie vie(re)ndeele/ en(de) xvi roeden beempts soe hellicht wy(n)ni(n)ge soe and(er)s/ in div(er)se p(ar)ceele(n) gelegen int bexshem broeck oft/ d(air) omtr(ent) dwelc hult henr(icke) vander moelen It(em) noch/ drie vie(re)ndeele(n) lants op trotselair broeck bijde goede/ wout(er)s vanden dijcke en(de) jans van kelfs comen(de)/ bij she(re)n strate ende dit hult de voirs(creven) wout(er) vand(en)/ dijcke It(em) noch vijf vie(re)ndeele(n) lants opt rotselae(re)n/ broeck bijde goede jans van kelfs voirs(creven) ende dit/ hult gheert luykens It(em) noch een plecke beempts/ houden(de) drie dach(mael) oft d(air) omtr(ent) gelegen te bexshem/ geheeten de ressche regenoete she(re)n strate bijde/ goede jans van vlasselair ende de selve jan die/ hult dit t(er) hueri(n)gen soe wair die gelegen/ zijn hem met br(ieven) van des(er) stadt gescreven aend(en) drossete van rotselair oft zijne(n) stadthoude(r) alle/ de selve goede behoirlijc heeft doen leve(re)n en(de)/ den voirs(creven) janne vand(er) stoct zijn huerlinge en(de)/ ande(re) dach van rechte te comp(ar)e(re)n alh(ier) inde banck/ voe(r) meye(r) en(de) scepen(en) van loeven(e) doen besceyden/ oft zij hen d(air)tegen hadden willen oppone(re)n/ Ald(air) zij op heden als ten daige van rechte d(air)toe/ dienen(de) niet gecomp(ar)eert en zijn noch niemant/ van hue(re)n wegen den voirs(creven) meeste(re)n bart(elmeeus)/ comp(ar)e(re)nde ende trecht voirts v(er)sueken(de) soe v(er)re/ dat de scepen(en) van loeven(e) t(er) maniss(en) smeyers nae/ dat hen behoirlijc gebleken heeft bij rappoirte/ jans smeets des(er) stadt bode tvoirs(creven) exployt behoirl(ijck)/ gesciet en(de) den huerlinge(n) des voirs(creven) jans vand(er) stoct/ dach besceyd(en) te zijne ende bij cleerniss(en) symoens belle(n)s
//
vorst(er)s den voirs(creven) janne vand(er) stoct dach besceyd(en) te/ zijne gewesen hebbe(n) voir een vo(n)nisse wair de/ wed(er)p(ar)tie vand(en) voirs(creven) geleidden niet en comp(ar)eert/ voe(r) den op staen(e) smeyers ende der scepen(en) datmen/ den selve(n) houden soude inde macht van zijnen/ beleide scepen(en) brieve(n) ende leveri(n)gen alsoe verre/ alst noch voir scepen(en) comen is in scampno augusti/ xiii