Cond si allen lieden dat jan van boleer [natuerlic] sone willems wilen van boleer in jegen/ wordicheide(n) der schepen(en) van loevene gestaen heeft gegeve(n) ende bekent dat hi/ gegeve(n) heeft janne vand(er) lanen de goede van rixvonde(re)n gelijc die toebehoe(re)nde/ sijn wenceline den h(er)toge van bruessel uutgesceiden gelegen bynne(n) loeve(n) ende/ daer buyte(n) met allen hoe(re)n toebehoerte(n) uutgesceide(n) den wijngart de wate(re)n den/ stal tduyfhuys ende de porte [gelijc en(de) alsoe v(er)re die vors(creven) jan van boleer die goede jege(n) den vors(creven) wenceline genome(n) heeft hadde] te houden te hebben en(de) te wynnen van nu half [m(er)te naist leden]/m(er)te naist comende tot ene(n) t(er)mine van seven jae(re)n lanc deen nae dande(r) dair/ nae sond(er) middel volgende dats te weten dat de vorsc(reven) jan vand(er) lanen hebben/ sal de lande [die] tod totden vorscr(even) goeden hoe(re)n houdende vijfthien boend(er) of daer omtrent/ elc boend(er) om twee mudde rox sjaere goit en(de) payabel der maten van loeven te/ sente andries daghe apostels te betalen ende te loeven te leve(re)n daert den vorsc(reven) ja(n)ne/ van boleer genueghen sal Item sal de vorsc(reven) jan vander lanen hebben elf dachmaele/ beemps en(de) de weyde alsoe se belege(n) es int hof te same(n) o(m)me vijfthien holl(ands) gulden(en)/ van goude goit en(de) gheve alle jae(re) hie(re)n bynne(n) te sente m(er)tens inden wynt(er) te betale(ne)/ Item jan van boleer vorsc(reven) sal alle die huysinge houden van ty(m)meringen van plecken/ en(de) van deckene maer de vors(creven) jan vand(er) lanen sal die wercliede vueden En(de) oec sal/ die selve jan vand(er) lanen alle jae(re) hie(re)n bynne(n) gheve(n) xxv mandelen walme(re)n om/ die huysinge mede te houden Ende de vors(creven) jan vand(er) lanen sal den vors(creven) ja(n)ne/ van boleer alle jae(re) halen drie dusent wijngart staken [op m(er)dal ocht op de mile va(n) lovene] daert de vorscr(even) jan van boleer [die copen sal]/wilt Oec sal de vorsc(reven) jan vand(er) lanen den vorsc(reven) ja(n)ne van boleer alle jae(re) den vors(creven)/ t(er)mine duerende drie daghe mesten [opden wijngaert int vorsc(reven) hof] op sine(n) cost Ite(m) sal de voerg(enoemde) jan vand(er)/ lane(n) den vors(creven) wenceline den h(er)toge sijn balghe(re)n van sine(n) wine in een p(er)sse te loeven/ leve(re)n en(de) dies gelijx des vors(creven) wencelijns wijn en(de) sijn wijngart hout brenge(n)/ te wathuyse daert den vors(creven) wenceline ja(n)ne van boleer genuegen sal bynne(n) loeve(n)/ en(de) de de selve jan vand(er) lanen sal den vors(creven) ja(n)ne van boleer alle jae(re) hie(re)n bynne(n)/ een vaert met wijne te bruessel vueren met sine(n) waghene en(de) soe wae(re) in deen
//
jae(r) gebrec wae(re) soe soude hi ten ande(re)n jae(re) twee vande daer voe(r) vuere(n) Item sal/ de vors(creven) jan vand(er) lane(n) vijf boende(r) vande(n) vors(creven) lande bynne(n) den vors(creven) t(er)mine/ tweewerf ov(er)mesten en(de) dande(r) thien boende(r) [d dande(re) thien boende(r)] vande(n) selve(n) lande eens ov(er)mesten/ wel en(de) custbaerlic ten meeste(n) p(ro)fite en(de) alsoe dick als hi enich lant hoervrucht/ soe sal hijt mesten Item sal de vorsc(reven) jan vand(er) lanen ten lesten jae(re) besaeyt/ laten vijf boende(r) ende een dachmaele lants met weyssinge op sijn vier tideghe/ voren en(de) de brake geheel En(de) int leste jae(r) sal hi vol besaeyt hebben te sente/ dyonijs misse ten lanxten Item doest dat inde(n) boegart wassen sal dat suelen/ die voirsc(reven) jan en(de) jan gelijc deylen en(de) hebben half en(de) half en(de) si suelen/ ond(er) hen beyden die dachue(re)n vande(n) oeste te lesene gelijc gelden maer jan vand(er)/ lanen sal den lesers hoe(re)n cost gheven en(de) jan vand(er) lane(n) sal den vorsc(reven)/ ja(n)ne van boleer sijn deel vande(n) oeste vuere(n) tot wat huyse hi begert bynne(n)/ loevene Item sal de vorsc(reven) jan vand(er) lanen jairlex gelden den chijs uut/ den goeden gelden [gaende] die de vorsc(reven) wenceline aldair v(er)cregen heeft bynne(n)/ den hove gelege(n) Item sal de vorsc(reven) jan van boleer alle jae(re) den vorsc(reven) t(er)mine/ duerende den voirs(creven) ja(n)ne vand(er) lanen geven seve(n) ellen fusteyns of drie/ ellen wullens lakens ene(n) roc af te maken Item soe en sal die vorsc(reven)/ jan vand(er) lane(n) gheen core(n) opt velt moeghe(n) v(er)copen maer alte mail int vors(creven)/ hof brenge(n) en(de) tstroe uut den hove niet moege(n) vuere(n) geven noch v(er)copen Item/ ten lesten jae(r) soe sal die voirsc(reven) jan vand(er) lanen alle dmest en(de) tstroe int hof/ moeten laten behoudelic dien dat sijn beesten dair af gevoed(er)t suelen sijn sine(n)/ t(er)mine duerende Item jan vand(er) lanen sal thof houden van grechten en(de) van/ luykene alsoe men sculdich es te doene en(de) ten lesten jae(re) wel bevreedt laten/ en(de) den loeke die dair af b ov(er)blijft dien sal jan vand(er) lanen [van boleer] hebben sine(n) wille/ dair mede te doene alle argelist uutgesceide(n) Item sal die vorsc(reven) jan vand(er)/

lanen drie daghe Ende o(m)me alle dese poente(n) biden vors(creven) ja(n)ne vand(er) lanen/ onv(er)brekelic gehoude(n) te werden soe heeft hi hem daer voe(r) geset alle sijn/ have die hi int vors(creven) hof heeft en(de) daer in brenge(n) sal daer voe(r) pant sijnde/ en(de) blivende hier af sijn borge(n) des vors(creven) jans vand(er) lanen als p(ri)ncipaele sculde(re)n/ ongesund(er)t en(de) ongesceide(n) jan de witte de jonge jan van he(re)ndale van pellenb(er)ch/pet(er) de greite [henric ty(m)m(er)man vand(er) ledicheyt] wijngarde(r) gielijs de briede(re) van libbeke en(de) gheert vand(er) lanen/ brued(er) des vors(creven) jans vand(er) lane(n) quos indempnabit j(ohanne) (et) h(enrico) borch(oven) huffle penulti(m)a/ maii a(n)no xiiii[c] xii[a]