SAL7718, Akte: V°115.2-R°116.1 (68 van 154)
Akte V°115.2-R°116.1
Act
Datum: 1423-11-26
Taal: Nederlands
Transcriptie
2011-10-21 door Kristiaan MagnusCond sij alle(n) liede(n) dat jan van wet(er)beke die ov(er)mids vonnisse van/scepen(en) brieve(n) van loeve(n) na de heerlicheit ons genedichs he(re)n van brabant en(de) /na sijnre stat recht van loeve(n) come(n) en(de) geleydt is tot allen de(n) goeden/daneels wilen van laethem es come(n) in jegenwordich(eyt) d(er) scepen(en) van loeve(n) /en(de) heeft gegeve(n) en(de) bekendt dat hi gegeve(n) heeft janne van heverle/thof van sciplaken mette(n) huyse(n) hove(n) wynne(n)de(n) lande(n) beemde(n) en(de) /eeusele(n) met alle sijnre toebehoirte(n) gelijc de selve goede inde prochie/va(n) grymb(er)ge(n) gelege(n) sijn te houden te hebbe(n) en(de) te wynne(n) van/half meye dat wesen sal int jair ons he(re)n m cccc en(de) vijfen(de)twintich/ene(n) t(er)mijn van twelf jae(re)n lanck deen na dand(er) d(aer) na sond(er) myddel/volgende elx jairs dae(re)n bynne(n) te wete(n) de voirs(creven) lande op vijfen(de)/veertich sack rogs vierthie(n) sack tarwe(n) twelf sack ghersten/ene(n) halve(n) sack erwite(n) en(de) ene(n) halve(n) sack raepsaets alle goet/en(de) payabel d(er) maten van bruessele altoes ts(ente) andries apostels valle(n)de/en(de)
tot kersmisse te betale(n) [en(de) tot bruessel te leveren] de(n)
voirs(creven) t(er)mijn duer(ende) en(de) telke(n) t(er)mijn /als v(er)volghde schout Ende de voirs(creven) beemde en(de) eeusele om/tween(de)dertich ouder schilde te wete(n) achten(de)vijftich placke(n) voir/elke(n) ouden schilt gerekent half tsente jans misse bap[(tis)te(n)] en(de) half/te kersmisse te betale(n) de(n) voirs(creven) t(er)mijn duer(ende) en(de) telke(n) t(er)mine als/v(er)volghde schout It(em) sal de voirs(creven) jan van heverle de(n) vors(creven) janne/va(n) wet(er)beke jaerlex [hie(re)n bynne(n)] sayen een zister lijnsaets en(de) [mer] de selve jan/va(n) wet(er)beke sal de(n) saet dair toe leveren Item sal de voirs(creven)
//
jan van heverle op dleste jair vande(n) voirs(creven) t(er)mijn make(n) ene(n) nuwe(n)/thuyn van aen block tot opte rijt aende(n) grote(n) maybeemdt en(de) ene(n) /nuwe(n) thuyn van aent vekene tot aen pedeken daerme(n) gheet te/heyenbeke wart en(de) noch den bogart te twee side(n) wel en(de) loflic/omloke(n) It(em) sal noch de selve jan van heverle ten leste(n) jair vande(n)/voirs(creven) t(er)mine hondert roede(n)ry rijten rumen Ite(m) so s wair dair/opte [vors(creven) goede(n)] e(n)nighe boeme verdroeghde(n) die sal de voirs(creven) jan van heverle hebbe(n) /en(de) dair voir vande(n) selve(n) aerde ii poten wed(er)sette(n) Ite(m) sal de voirs(creven) /jan van hev(er)le de huysinghe aldair redelic houde(n) van wende en(de) va(n) /dake uutgenome(n) van nuw(er) ty(m)meringhe(n) van latten en(de) van [lat]yser/en(de) waert also datme(n) daer yet maecte van nuws dair af sal/de voirs(creven) jan van hev(er)le te mael ongehoude(n) sijn En(de) hier af sijn burge(n)/des vors(creven) jans van heverle alse p(ri)ncipael sculde(re)n ongesundert en(de) ongescheide(n)/gielijs van woluwe [van eppegheem] en(de) wouter de becke(re) van hoenbeke de welke de/vors(creven) jan va(n) heverle heeft geloeft hier af scadeloes en(de) co(m)merloes/te houde(n) en(de) tontheffen
//
jan van heverle op dleste jair vande(n) voirs(creven) t(er)mijn make(n) ene(n) nuwe(n)/thuyn van aen block tot opte rijt aende(n) grote(n) maybeemdt en(de) ene(n) /nuwe(n) thuyn van aent vekene tot aen pedeken daerme(n) gheet te/heyenbeke wart en(de) noch den bogart te twee side(n) wel en(de) loflic/omloke(n) It(em) sal noch de selve jan van heverle ten leste(n) jair vande(n)/voirs(creven) t(er)mine hondert roede(n)
Nagekeken door: Inge Moris
Moderator: Inge Moris
Laatste update:: 2011-10-21 door Inge Moris