It(em) goert he(re)nmeys de jonghe die naden recht der stat van loeven(e) comen en(de) geleyt/ es met meye(r) en(de) scepen(en) van loeven(e) tot alle den goeden wouters haweel vander/ rivie(re)n so waer die gelegen sijn Es comen in jegenwordicheit der scepen(en) van loeven(e)/ en(de) heeft gegeve(n) en(de) bekindt dat hij gegeve(n) heeft mids macht vanden voirs(creven) beleyde/ woute(r) de brieve(re) van bierbeke thof gehete(n) te berghen metten huysen hoeven bog(ar)d(en)/ wynnende(n) lande beemden en(de) bossche met allen sinen toebehoirte(n) inde prochie van/ bierbeke gelegen [uutgenome(n) den beempt die de voirs(creven) haweel jegen ja(n)ne doom vercregen heeft] Te houden te hebben en(de) te wynne(n) van halfmeerte naest comende/ eene(n) t(er)mijn van vijf jae(re)n lanc deen na dander sonder middel volgende elx jaers/ daerenbynne(n) Te weten de voirs(creven) wynnende lande alle jae(re) om achten(de)viertich mudde/ rogs en(de) een half mudde erwiten goet en(de) payabel met wa(n)ne en(de) met vlogele wael bereyt/ der mate(n) van loeven(e) alsulken als opte voirs(creven) lande jairlix wassen sal te sente andries/ misse apostels te betalen en(de) te leve(re)n th te weten x mudde dair af tot arschot en(de) alle/ dander coren te loeven(e) alle jae(re) den voirs(creven) t(er)mijn duerende en(de) telken t(er)mijn als vervolghde/ schout Met alsulker vorwerden En(de) de voirs(creven) beemde eeusele en(de) weyde om xviii/ arnemsche gulden(en) goit en(de) gheve te sente m(er)tens misse te betalen alle jae(re) den voirs(creven) t(er)mijn/ duerende en(de) telken t(er)mijn als vervolghde schout Met alsulker vorwerden soe waer den/ voirs(creven) haweel geliefde inde voirs(creven) husinge van b(er)ghen te wonen dat [hi dan hebben en(de) gebruyken sal den hof acht(er) de woni(n)ge gelege(n) en(de) and(er)s niet en(de) sal] dan de voirs(creven) wynne/ hem jaerlex voe(re)n en(de) halen sal also vele b(er)ringen als hij behoeven sal [en(de)] drie voeder hoys/ en(de) hem oic twee coeye winte(re)n en(de) drie verken houden lopende diemen hem leve(re)n sal/ en(de) dat sal dan den voirs(creven) wynne jairlix afslach doen van anderhalve(n) mudde rogs van/ sine(n) pacht Noch es vorwerde dat de voirs(creven) wynne opte spruyten aldair engheen coye/ noch scaepe en sal mogen laten gaen voe(r) der tijt dat sij drie jae(r) out wesen sullen/ Item sal de selve wynne tallen tween jae(re)n opten wijngart aldair vue(re)n alsoe vele/ mest als h men hem [om dien te mesten] inde prochie van bierbeke copen sal Item alle doeft dat jairlix/ opte voirs(creven) goede wassen sal sullen de voirs(creven) goert en(de) de wynne half en(de) half deylen/ en(de) hebben also verre als en(de) den lese(r) gelijc dragen also verre de voirs(creven) haweel daer/ wonen sal mer so waer hij daer niet en woende so soude de voirs(creven) wynne d tvoirs(creven)/ oeft t(er) eerden leve(re)n en(de) dat den voirs(creven) goerde leve(re)n [vueren] ten huyse des voirs(creven) haweels It(em)/ sal de voirs(creven) wynne te halfmeerte in sine(n) lesten jae(r) vanden voirs(creven) t(er)mijn dmest uyt/ den voirs(creven) hove vue(re)n opte voirs(creven) lande daers te doen sal sijn De storte en(de) braeke/ omdoen en(de) den rogge aert bevreedt laten gelijc dat hijne vant Item sal de selve/ wynne sijn berringe mogen nemen aen struncbome heggen en(de) hagen t(er) mi(n)ster/ scaden Item sal de voirs(creven) wynne jairlix int voirs(creven) hof leve(re)n vijftich mandelen walme(re)/ goet en(de) cusbair o(m)me de husinge d(aer) mede te decken en(de) alsmen die aldair verdect of yet/ plect so sal de voirs(creven) wynne den werclieden den montcost geve(n) en(de) de voirs(creven) goert sal/ de dachue(re)n betalen Uutgenome(n) van nuwen werke dair af sal de voirs(creven) wynne/ / ongehouden sijn Item als de voirs(creven) wout(er) haweel int voirs(creven) hof comen sal soe sal de/ voirs(creven) wynne sinen peerden hoy en(de) stroe gheven te sinen peerden Item sal de voirs(creven)/ wynne den voirs(creven) goerde jairlix saeyen drie molevate lijnsaets diemen hem leve(re)n/ sal Item sal de voirs(creven) goert alle jae(re) den voirs(creven) t(er)mij(n) duerende den voirs(creven) wynne/ gheven vijf ellen wullens lakens [En(de) alle dese vorwerden (et)c(etera)] Hier af sijn burgen des voirs(creven) wout(er)s de brieve(re)/ alse principale sculde(re)n ongesundert en(de) ongesceyden willem kegel van bierbeke/ en(de) wout(er) de brieve(re) van nedervelpe [reyne(re)n vander molen van bierbeke fili(us) joh(ann)is de molendino] de welke de voirs(creven) wout(er) wynne hier af/ heeft geloeft scadeloes tontheffene abs(oloens) borch(oven) iunior ja(nuarii) x[a]