Cond zij allen lieden dat hubrecht aelen uut(er)[geheten de molde(re)] van gheele es comen/ in tegewoirdich(eit) der scepen(en) van loeve(n) en(de) heeft genomen en(de) bekint/ dat hij genomen heeft van he(re)n henricken van lyeshout canonic/ regulier en(de) camerlinc tcloesters van everbode inden name ende van/ wegen des selfs godshuys de moelen(en) des voirs(creven) godshuys met hoe(re)n/ toebehoerten gelegen te testelt Te houden en(de) te hebben van half/ merte naestcomen(de) enen t(er)mijn van sess jae(re)n lanc deen na dand(er)/ staphans sond(er) middel volgen(de) elx jairs dae(re)n bynnen om hondert/ rijnsche gulden(en) van goude goet en(de) gheve deen helecht sente/ jansmisse baptisten en(de) dander helecht te kermisse te betalen/ en(de) om vie(re)ntwintich mudde rogs goet en(de) payabel der maten/ / van diest en(de) i een traghelvat raep [lijzaet] smouts alle jae(re) te kersmisse/ te betalen en(de) tot everbode te leve(re)n It(em) noch jairlix voer twelf/ hondert raepcoeken tot alreheiligen misse te betalen en(de) twelfhond(er)t/ palinge van weeken te weeken des donredaichs xxiii d(aer) af te/ betalen he(re)n daneele van zoenuwen abdt des voirs(creven) godshuys den/ voirs(creven) h(e)r(e)n henricken meester clase wendelen en(de) meester anthonise/enlaecmans en(de) diericken de molde(re) oft den enen van hen breng(er)/ des briefs jairlix den voirs(creven) t(er)mijn due(re)nde en(de) telken t(er)mijn alse ver/ volghde schout It(em) sal de voirs(creven) hubrecht i eens gheven int aen/ sijnen aencomen den ghesinde des voirs(creven) abdts twee mudde rogs eens/ It(em) sal de voirs(creven) hubrecht jaerlix leve(re)n den voirs(creven) t(er)mijn due(re)nde/ den p(ro)chiaen van testelt twee mudden rogs en(de) twee halste(r) tarwen/ goede en(de) payabel der maten van thienen diest te sente andries/ misse en(de) daer voe(r) sal de voirs(creven) hubrecht jaerlix hebben en(de) behouden/ sneefgelt oft tstoten vanden scepen also dat gewoenlic is Oic es/ vorwerde dat de voirs(creven) hubrecht gheen recht hebben en sal inde savoren/ staende inden volhof en(de) dat m(ijn) here dabdt en(de) de sijne hoe(re)n vryen/ ganc van gaen ende ke(re)n hebben selen doe(r) de voirs(creven) moelen(en) tot den/ voirg(eruerden) savoren It(em) wart oic also dat m(ijn) he(r) dabt opten voirs(creven) volhof/ een huys woude doen maken so es vorwerde dat m(ijn) hee(r) dat/ sal moegen doen sonder wed(er)seggen des voirs(creven) hubrechts Oic es/ vorwerde dat de voirs(creven) hubrecht des voirs(creven) godshuys coren opde/ voirs(creven) moelen sonder molcster daer af te nemen malen sal ende/ es vorwerde gevielt also dat de voirs(creven) hubrecht e(n)nich vertreck/ maken woude in des voirs(creven) godshuys coren te malen dat dan/ des voirs(creven) gos godshuys boden hoe(r) coren op selen moegen ghieten/ en(de) malen na den naesten coren dat sij opden steen vijnden selen/ wa(n)neer sij inde moelen selen comen Noch es vorwerde dat de voirs(creven)/ hubrecht des voirs(creven) godshuys zaet jaerlix den voirs(creven) t(er)mijn due(re)nde/ slaen sal sond(er) e(n)nigen loen daer af te nemen daer af de voirs(creven)/ abdt de coeken weder hebben sal en(de) desgelijx sal de voirs(creven) hubrecht/ den voirs(creven) abdt malen jaerlix des voirs(creven) godshuys scorssen oic sond(er)/ loen daer af te hebben Noch es vorwerde dat de voirs(creven) hubrecht/ die dijcken en(de) oeve(re)n vander deeme(re)n houden sal van boven tot/ beneden also verre alsmen die gewoenlic es te houden also dat dwat(er)/ daer niet ov(er)gaen en sal ende ten uutgaen vanden voirs(creven) t(er)mijn/ sal de voirs(creven) hubrecht die dijken en(de) oeve(re)n wel en(de) loflic gemaect/ laten en(de) also overleve(re)n uutgesceiden in beiden siden vander sluysen/ die sal de voirs(creven) abdt selve op sijne(n) cost houden het en wae(re) also/ dat de voirs(creven) hubrecht dwater daer also hoghe steyghde ende/ / ophielde dat daer bij over de dijcken ghinghe en(de) dat dan d(aer) af den/ voirs(creven) abdt scade gesciede die soude de voirs(creven) hubrecht den voirs(creven) abdt/ oprichten En(de) de voirs(creven) hubrecht sal alle dmispele(re)n hout datmen/ den voirs(creven) t(er)mijn due(re)nde aen de voirs(creven) moelen(en) behoeven sal op sijne(n)/ cost leve(re)n En(de) es vorwerde dat de voirs(creven) hubrecht de voirs(creven) moelen(en)/ wel en(de) loflic ten eynde vanden voirs(creven) t(er)mijn ghere[e]ct sal laten Noch/ es vorwerde dat de voirs(creven) abdt den voirs(creven) t(er)mijn due(re)nde den/ voirs(creven) hubrechte leve(re)n sal alpen stertten ende brecken gelijc als/ die vand(er) saghen en(de) bijle vallen selen en(de) dan sal de voirs(creven) hubrecht/ die vortaen opdoen slaen op sijnen cost It(em) noch es vorwerde ge/ vielt also dat de voirs(creven) moelen(en) bi gebreke van e(n)nig(er) ty(m)meringen/ stille bleef staende dat sal de voirs(creven) hubrecht den voirs(creven) abdt ter/ stont cundigen en(de) dan salt de voirs(creven) abdt doen maken oft/ de voirs(creven) hubrecht in salt bi rade des voirs(creven) abdts selve doen make(n)/ om besceiden(en) dachue(re)n die de voirs(creven) abdt betalen sal en(de) de voirs(creven)/ hubrecht sal den werclieden den cost gheven Ende gevielt also/ datmen tvoirs(creven) werck niet maken en mochte dan en sal de/ voirs(creven) hubrecht negheen scade rekenen van stille staen en(de) desgelijx/ en sal de voir(creven) hubrecht negheen schade rekenen vanden tide/ datmen aen de voirs(creven) moelen(en) ty(m)mert It(em) sal de voirs(creven) hubrecht/de sijne(n) t(er)mijn due(re)nde de huysinghe vanden voirs(creven) moelen(en) wel/ en(de) [loflic] houden van wende [en(de) tcloeste en(de) mijn he(re) sal hem den stoffe d(aer)toe leve(re)n] en(de) als m(ijn) hee(r) dabt de huyse doet decken/ so sal de voirs(creven) hubrecht den werclieden den cost gheven ende/ hen huysen en(de) h(er)bergen also lange als sij daer wer decken selen/ Ende den voirs(creven) hubrechte sijn gelevert inde voirs(creven) moelen(en) din/ strumenten hier na bescreven Te weten elf yse(re)n tap achten(de)/ twintich yseren bande aende assen thien yse(ere)n bande aende russelen/ vier lange moelenyse(re)n vier deessen vier cropyse(re)n vie(re)ntwintich/ billen enen aenbilt vier dwingyse(re)n twee yse(re)n vormen een yse(re)n/ panne inde slachmoelen sesse yse(re)n scoeve aende stampen een scorsyser/ twee grote hoelten teylen ende sesse stampen En(de) alle dese instru/ menten en(de) alle dande(re) beide spillen wieghen alpen stertten brecken/ en(de) gestellen en(de) oic dande(r) instrumenten der voirs(creven) moelen toebe/ hoe(re)nde sijn den voirs(creven) hubrechte gelevert voer nuwe of voer also goet/ alse nuwe ende in deser vueghen sal de voirs(creven) hubrecht die/ ten eynde vanden voirs(creven) t(er)mijne weder over leve(re)n En(de) den voirs(creven)/ hubrechte sijn de moelensteene aldaer gelevert metter maten dair/ af vorwerde es also me(n)nighen druymbreet als hij daer aen vermalen/ ende versliten sal dat hij daer voer betalen sal te weten vanden grau/ / wensteene voer elken duym twee oude schilde en(de) vanden ruysers voe(r)/ elken duym enen ouden schilt Ende gevielt also dat op de voirs(creven) molen(en)/ bynnen den voirs(creven) t(er)mine e(n)nigen nuwen steen gebrake die sal de voirs(creven)/ abdt copen en(de) daer doen leve(re)n en(de) dien gecocht zijnde sal de/ voirs(creven) hubrecht dien steen ghereyden tot den malen op sijne(n) cost/ en(de) dan sal hem de voirs(creven) abdt dien op de voirs(creven) moelen doen/ helpen en(de) tyerst als die steen meel gemaect sal hebben so salme(n)/ dien den voirs(creven) hubrecht dan metter maten leve(re)n En(de) gevielt/ also dat de voirs(creven) abdt oft hubrecht deen vanden ande(re)n scheiden/ wouden dat selen sij moegen doen ten halve(n) t(er)mijn en(de) so wye/ van hen beiden scheiden wilt die salt den ande(re)n een half jair/ te voe(re)n laten weten It(em) en sal noch en mach de voirs(creven) hubrecht/ de voirs(creven) moelen(en) bynne(n) den voirs(creven) t(er)mijne nyeman(de) and(er)s ov(er)gheve(n)/ ten sij bi weten wille en(de) consent des voirs(creven) abdts [Welke vorwerden (et)c(etera)] Hier af/ sijn borgen des voirs(creven) hubrechts jan van oevele soen wout(er)s/ wilen van oeverle jan de smet dieme(n) heet capelle wout(er)/ van meerbeke mathijs van meerbeke sijn brued(er) wout(er) van/ oevele arnts soen lambrecht vanden bossche [en(de)] jan wond(er)s alle/ van testelt de welke de voirs(creven) hubrecht heeft geloeft hier af/ scadeloes te houden te en(de) tontheffen Hier over wae(re)n boys/ voshem januarii s(ecund)[a]