Van janne van vertrijke/ Het sijn comen in rechte voe(r) meye(r) en(de) scepen(en) van loeven inde banck/ ald(aer) jan van vertrijke die na den rechte d(er) stat van loeven come(n) en(de) ge/ leidt is tot de(n) goede(n) jans dechebais diemen heet crauwelle in deen side/ en(de) janne gadaf die als voe(r) geleidt es tot den goeden werart colchon soen/ joffr(ouwe) marie(n) wile(n) [van herain] in dande(re) daer de voirs(creven) jan van vertrijke inden rechte dede/ lesen den scepen(en) brief vande(n) beleyde daer mede hi geleidt is tot de(n) goeden/ des voirs(creven) jans dechebais v(er)suekende datme(n) hem daer in houden woude vanden/ goeden hier na bescr(even) Inde(n) yersten van ene(n) huyse en(de) hove met sijnre toebeh(oirten)/ gelege(n) te geldenake buten de porte(n) inde strate gaende te sente medarts w(er)t/ tussche(n) den wuwe(r) des h(er)toge(n) va(n) brabant en(de) de goede h(er)mans de scoe(n)make(re)/ It(em) van ene(n) huyse en(de) hove met zijnre toebehoirte(n) gelege(n) d(aer) jegen over/ tussche(n) de roche en(de) de porte Daer de voirs(creven) jan gadaf de voirs(creven) goede/ aensprack ind(er) manie(re)n hier na volgende seggende dat wae(r) was dat wile(n)/ andries vand(er) oudermarct te wettige(n) wive nam na staet d(er) heilig(er) kerken/ der vors(creven) wile(n) joffr(ouwe) marie(n) van herain en(de) dat hi doe(n) d(er) selver wile(n) joffr(ouwe)/ marie(n) sine(n) toecomende(n) wive in huwelik(er) vorwerde(n) gaf de vors(creven) goede en(de)/ dat doen mede gevorwerdt was mids dat de vors(creven) wilen andries gheen/ na erfgename(n) en hadde waert also dat de selve andries sond(er) wettige/ geboirte aflivich worde dat dan de vors(creven) goede d(er) vors(creven) joffr(ouwe) marien en(de) hae(re)n/ wettige(n) erfgenamen blive(n) souden en(de) dat wae(r) waer dat boet de vors(creven)/ jan gadaf te thoene(n) en(de) mette(n) minsten (et)c(etera) Seggende voert de vors(creven) jan/ gadaf dat de voirs(creven) werart wettich soen wae(r) der voirs(creven) wile(n) marien van/ herain en(de) naest erfgenaem van hae(r) van hae(re)n voe(r)man en(de) dat dat oec/ wae(r) wae(r) dat boet hi te thoene(n) en(de) mette(n) minsten met alrehande/ meer redene(n) die de voirs(creven) jan gafaf inden recht ald(aer) dede segge(n) en(de)/ allige(re)n Sluytende ten eynde de selve jan so waer hi gethoene(n) const/ tgheen des voirs(creven) is dat hem en(de) sinen beleyde de vors(creven) goede volge(n) soude(n)/ Op dwelc de voirs(creven) jan vertrijke hem verantwerde seggende dat/ hem en(de) sine(n) beleyde de vors(creven) aensprake aende voirs(creven) goede gheen onstade/ doen en soude en(de) dat biden redene(n) hierna v(er)claert want de vors(creven) jan/ dechebais een vande(n) naiste(n) erfgenamen wae(r) des voirs(creven) wile(n) andries en(de)/ dat boet hi te thoene(n) en(de) mette(n) minsten (et)c(etera) Seggende voert al waert/ also dat de vors(creven) jan gadaf gethoene(n) conste dat de vors(creven) wile(n) andries/ de voirs(creven) goede ind(er) maten als voirs(creven) is der vors(creven) wile(n) joffr(ouwe) marien/ van herain sine(n) wive voe(r) de bislaep in huwelik(er) vorw(er)den gegeve(n) hadde/ / ind(er) voeghen gelijc de vors(creven) jan gadaf in sijnre aensprake(n) heeft doen/ segghen so en soude nochta(n) dat aende vors(creven) goede gheen onstade doen/ en(de) dat bi redenen ter stont doe de vors(creven) wilen andries d(er) vors(creven) wilen/ joffr(ouwe) marie(n) va(n) herain sine(n) wive beslape(n) hadde so was de vors(creven) huwelike/ vorw(er)de te nyeute en(de) so wae(re)n de vors(creven) goede wed(er) des vors(creven) wilen/ andries en(de) dat dat wae(r) is des wae(r) hi wael getroest totte(n) recht/ Thonende voert inde(n) rechte en(de) dede lesen de vors(creven) jan va(n) vertrike/ seke(r) scepen(en) brieve van geldenaken daer mede vande(n) goede(n) vors(creven) met/ meer ande(re)n goeden alrehande vorwerden en(de) composicien gemaect wae(re)n/ en(de) slutende ten slote de voirs(creven) jan van vertijke met vele redene(n) die hi/ noch tot de(n) redenen voirs(creven) dede segge(n) dat hem en(de) sinen beleyde de vors(creven)/ goede volghe(n) selen Dit geschiet sijnde bi mae(n)nissen smeyers va(n) loeve(n)/ wijsden de scepen(en) van loeven de p(ar)tijen tot hae(re)n bethoene Ten daghe/ van thoenen bethoende de voirs(creven) jan gadaf dat de voirs(creven) huwelike vor/ w(er)de geschiede gelijc hi hem vermeten hadde en(de) dat de vors(creven) werart/ wettich soen wae(r) der voirs(creven) joffr(ouwe) marien van hae(re)n voerbedde Ite(m) thoende/ de voirs(creven) jan van vertrijke dat de voirs(creven) jan dechebais een vande(n) naiste(n)/ erfgename(n) wae(r) der vors(creven) wilen andries en(de) dat sij op desen tijt nyema(n)de/ en wisten die de(n) voirs(creven) andriese(n) naerd(er) wae(r) dan de vors(creven) jan de/ chebais En(de) dese thoe(n)nisse(n) aldus geschiet zijnde maende de meye(r)/ de scepen(en) van loeve(n) die wijsde(n) voe(r) een vonnisse na aensprake/ na v(er)antwerden na thoe(n)nisse en(de) na al dats voe(r) hen comen wae(r)/ dat de voirs(creven) goede den voirs(creven) janne van vertrijke en(de) sine(n) beleyde/ volghen soude selen also v(er)re alst noch voe(r) scepen(en) van loeven/ comen is cora(m) d(omi)no lud(ovico) pynnoc milte will(el)mo lomb(ar)t judoco/ absoloens wi ar(nol)[do] vynck dyonisio boys et andrea de/ voshem scabinis lov(aniensibus) anno m[mo] cccc[mo] xxxvii[o] ap(ri)lis p(ri)ma