It(em) want jan van scoonhove(n) natuerlic soen h(ere)n jans wile(n) van scoonhove(n)/ ridders gevonnist heeft voir meye(r) en(de) scepen(en) van loven(e) seker scepen(en) brieve/ van loven(e) sprekende van liiii hollanscen gul(den) te wete(n) xx bruesselsche boddr(agere)/ voir elke(n) holl(anscen) gul(den) gerekent lijfpensien te sine(n) live vallende half te/ sent jans misse en(de) half te kersmisse die de voirs(creven) jan van scoonhove(n)/ jaerlix tsine(n) live heeft op alle en(de) yegewelke goede gehete(n) van holsbeke/ jonck(er) jans van goetskove(n) he(re) te voelen en(de) joffr(ouwe) dorotheen sijns wijfs/ docht(er) des voirs(creven) wile(n) h(ere)n jans van scoonhove(n) gelege(n) inde p(ro)chie van/ holsbeke in beemde(n) eeussele(n) bosschen tsijse r erfpacht rente(n) heerlich(eiden)/ rechte(n) en(de) met alle(n) sine(n) toebehoirte(n) gelijc de voirs(creven) jonck(er) jan en(de) joffr(ouwe)/ dorothee de selve goede met alle(n) hoe(re)n toebehoirte(n) inde voirs(creven) p(ro)chie/ van holsbeke houden(de) w sijn en(de) Dair af tvo(n)is d(er) scepen(en) van lov(en)/ gewijst heeft dat de meye(r) van lov(en) mette(n) scepen(en) van lov(en) trecke(n)/ soude opte pande vonde hij te pande(n) soe soude hij pande(n) en(de) en/ vonde hij niet te pande(n) soe soude hij voirtvae(re)n mette(n) rechte/ Ende den meye(r) van loven(e) mette(n) scepen(en) van loven(e) tot opte pande/ come(n)de en vant hij niet te panden soe heeft de selve meyer/ van loven(e) den voirs(creven) ja(n)ne de voirg(eruerde) pande gelevert mette(n) rechte/voir cost en(de) co(m)m abs(oloens) voshe(m) april(is) p(ri)ma