Cond zij allen lieden dat brued(er) wouter rumelants canonick regulier/ en(de) p(ro)curator des godshuus van bethleem en(de) brued(er) jacob vanden/ broecke conv(er)s p(ro)fess des selfs godshuus in tieghenwordicheit/ d(er) scepen(en) van loven gestaen hebben gegeven en(de) bekind dat zi/ gegheven hebben inden name en(de) van wegen des vors(creven) godsh(uus)/ ja(n)ne hocht lathouwe(r) zone wilen goerds hocht van lovenjoul/ thof des vors(creven) godsh(uus) geheten thof vand(er) breemt gelegen te/ wet(er)beke in de p(ro)chie van bierbeke metten woni(n)gen huusen hoven/ wi(n)nenden landen beemden euselen en(de) met allen zinen toebehoirten/ uutgenomen de bossche daer in de vors(creven) wyn geen recht meer dan/ hier na verclaerd steet hebben en zal Te houden te hebben en(de) te/ wi(n)nen van half merte naestcomen(de) een(en) t(er)mijn van thien j sesse/ jae(re)n lang deen na dand(er) daernaest stappants zond(er) middel volgen(de)/ elcx jaers dae(re)n bi(n)nen te weten de vors(creven) winnende lande op/ de helcht vand(er) vrucht die jaerlicx op de vors(creven) goede wassen/ zal En(de) toeghste als de vruchte rijpe en(de) tijdverdich es zo zal/ de vors(creven) wi(n)ne die op zinen cost afdoen en(de) des vors(creven) godsh(uus)/ helft in de schue(r) vanden vors(creven) hove vue(re)n eer hij tzine rue(re)n oft/ invue(re)n zal moghen Item zal de vors(creven) wyn den vors(creven) godsh(use)/ voe(r) de bemde en(de) [eeusele] droegh weyde alle jae(re) den vors(creven) t(er)mijn due(re)nde/ ts(in)te m(er)tensmisse gheven en(de) betalen thien gulden pet(er)s gemei(n)lic/ cours hebben(de) goed en(de) gheheve en(de) telken t(er)mine als v(er)volghde/ schoud Item zal de vors(creven) wyn den ghenen die bij der deilingen/ van des vors(creven) godsh(uus) [wegen] comen zal den mondcost gheven also/ langhe als dat gerisen zal Item zal tvors(creven) godsh(uus) zijn helcht/ op zinen cost doen dersschen en(de) als dat gedorsschen es zo zal/ de vors(creven) wyn die op zinen cost te loeven leveren En(de) all dooft/d vanden vors(creven) hove zelen de vors(creven) wyn en(de) tgodsh(uus) te geliken/ coste t(er) erden leve(re)n en(de) dat deilen half en(de) half en(de) dan zal/ de wyn des vors(creven) godsh(uus) helcht oic op zinen cost te loeven leve(re)n/ Item es voirw(er)de dat tvors(creven) godsh(uus) en(de) de wyn alle de duven/ die jaerlicx int vors(creven) hof wassen zelen half en(de) half deilen en(de)/ hebben zullen en(de) daer voe(r) zal de wyn die v(er)wae(re)n en(de) voede(re)n/ en(de) houden wel en(de) loffelick op zinen cost Ende de wyn zal den/ vors(creven) godsh(use) jaerlicx twee verkine die zi hem leve(re)n zullen zome(re)n/ En(de) zal oec de zelve wyn alle jae(re) den vors(creven) godsh(use) zesse corweyden/ tot loeven [doe(n)] met zinen wagen en(de) perden daer voe(r) hij hebben zal/ vanden vors(creven) godsh(use) vijf ellen graens lakens teenen tabbaerde/ / Item zal de vors(creven) wyn jaerlicx de husinghe vanden vors(creven) hove vander/ onderster rikelen ned(er)waert wel en(de) loflick houden op zinen cost/ en(de) als tvors(creven) cloost(er) aende vors(creven) husinge doet decken plecken of/ ty(m)me(re)n dan zal de vors(creven) wyn all de stoff die men daertoe behoeven/ zal in tvors(creven) hof brengen en(de) halen daermen hem die bewijsen/ zal en(de) hi zal oec jaerlicx als tvors(creven) godsh(uus) daer wercken doet/ drie werckliede elken drie daghe den mondcost gheven Item/ zal de vors(creven) wyn all tstroe vanden vors(creven) goeden comen(de) in tvors(creven) hof/ vue(re)n en(de) aldaer met zinen beesten sliten en(de) mest daeraf maken/ en(de) dat op tvors(creven) land vue(re)n slands meesten p(ro)fite en(de) n(er)gens elde(r)/ Ite(m) es vorwerde dat tvors(creven) godsh(uus) zal mogen nemen en(de) behouden/ uuten vors(creven) goeden een dachmael lands oft bemds dwelck hem best/ genuegen zal om eenen wijtham d(aer)af te maken Item zal de vors(creven)/ wyn de beken wat(er)leyden en(de) wegen alsmen die gebiedt te rumen/ en(de) te veghen also vegen maken en(de) rumen als datt den vors(creven)/ godsh(use) daeraff gheene schade en come en(de) thoud dat hij daertoe/ behoeft zal hi mogen nemen vanden vors(creven) goeden t(er) mi(n)st(er) schaden/ En(de) de vors(creven) wyn en zal geenrande houd op de vors(creven) goede mogen/ houwen noch tru(n)cken m(er) tvors(creven) godsh(uus) zal hem redelike berrige/ op de zelve goede bewisen Item es vorwerde dat tvors(creven) godsh(uus)/ alle jae(re) den vors(creven) t(er)min due(re)nde geven en(de) bestaden [copen] zal [om] elleve guld(en)/ pet(er)s aen stroe oft aen mest dat zij copen zelen en(de) dat zal de/ vors(creven) wyn halen en(de) in tvors(creven) hof vue(re)n en(de) tstroe aldaer te mest/ maken en(de) op tvors(creven) land vue(re)n slands meesten p(ro)fite Ite(m) sal oec tvors(creven)/ godsh(uus) jaerlicx gheven een(en) man die de heye mayen zal een(en) guld(en)/ pet(er) en(de) de wyn sal dien aldie wile den mondcost geven en(de) die/ heyde halen in tvors(creven) hof en(de) oic sliten en(de) te mest maken en(de) op/ tvors(creven) land vue(re)n It(em) sal de vors(creven) wyn de vors(creven) goede wel en(de) loflic/ bevreden en(de) beheymen en(de) tgodsh(uus) sal hem den loeck d(aer)toe bewise(n)/ op de vors(creven) goede en(de) die also laten te zinen afgesceyden Item/ zal de vors(creven) wyn de vors(creven) lande wel en(de) loflick wy(n)nen en(de) werve(n)/ met zinen getidegen voren gelijck zin en re[e]ghenoten bove(n) en(de)/ beneden en(de) die wel gewonnen geworven en(de) oic bezaeyt laten/g te zijnen afscheiden gelijc re[e]ghenoten ten prise van goede(n) ma(n)nen/ die hen des verstaen It(em) om dat de vors(creven) lande nu niet gewo(n)nen/ en zijn gelijc zi wel behoeven zouden so es vorwerde da en(de) sal/

tvo dat tvors(creven) godsh(uus) den vors(creven) winne geven sal zesse zack rocgx/ en(de) zesse mudde even(en) ten naesten zaeytijde van elken greyne/ tott(er) recup(er)atien behoef vanden vors(creven) goeden It(em) zal oec de vors(creven)/ / wynne den roggen aerd den zom(er)aerd en(de) de brake want zij nu/ niet gelijck groet en zijn in de mate binnen den vors(creven) t(er)mine gelike(n)/ en(de) even groot maken also hij ald(aer) gevuelicxst zal co(n)nen en(de) best/ behoiren zal en(de) die bezaeyd laten als voe(r) Item zal de/ vors(creven) wy(n)ne jaerlicx vanden vors(creven) goeden alleen behouden en(de) uut/ hebben een bloecxkin gelegen neven de vroente voe(r) tvors(creven) hof/ om zijn p(ro)fijt daermede te doen Item zal de vors(creven) wyn jaerlicx/ den vors(creven) t(er)mijn due(re)nde oec moghen hoervruchten een half/ boend(er) lands uten zom(er)aerde noch vanden aerghsten noch vande(n)/ besten en(de) die vrucht zal hi alleen hebben It(em) sal de vors(creven) wyn/ jaerlicx hie(re)n by(n)nen hebben de weyde in de bossche aldaer op/ alzo dat hi daerin negheene beesten en zal laten gaen die aen/ de spruyten vanden zelven bossche schade doen moghen Item en zal/ noch en mach de vors(creven) wyn de vors(creven) goede nyeman(de) and(er)s ov(er)geve(n)/ het en zij bi wille weten en(de) consente des vors(creven) godsh(uus) den t(er)mijn/ vors(creven) dueren(de) Welke vorwerden conditien en(de) geloften boven gescr(even) (et)c(etera)/ abs(oloens) vynck febr(uarii) vi[a]