It(em) cond zij allen lieden dat jan henrick en(de) reyne(re) vleeminx gebruede(re)n/ zoen wilen willems vleeminx zijn comen in jeg(enwoirdicheit) der scepen(en) va(n) loeve(n)/ en(de) hebben gehuert en(de) bekent dat zij gehuerdt hebben tegen an/ driesen moens die beleidt es na den rechte der stad van loeven/ tot den goeden [katlinen sijnre zuster weduwe] jans wilen vleeminx sijns swag(er)s brued(er) des voirs(creven)/wilen willems en(de) tegen janne tribouts nu wittich man katline(n)/ moens [voirs(creven)] suster des voirs(creven) andries en(de) weduwe des voirs(creven) wilen/jans vleeminx de goede hier na bescreven de welke de/ selve [katline] marie houden(de) es van wegen des voirs(creven) wilen jans tot/ hoe(re)r tocht inden yersten een dachmael beemts gelegen in steen/ broeck inde p(ro)chie van langdorp tuschen de goede bertelmeeus/ bloeme en(de) lambrechts van loe It(em) drie vierdel beemts gelege(n)/ int steenbroeck tuschen de goede jans daer boven en(de) aen deen/ zijde en(de) de goede des voirs(creven) jans tribout en(de) jans mychiels/ aen dand(er) zijde It(em) een half dachmael beemts gelegen/ inde wijdebeemde tuschen de goede jans steven berghe en(de)/ der he(re)n van beckevoert It(em) een heythoeve gelegen geheten/ telleurs wuwe(re) gelegen ald(aer) tuschen the(re)n straten aen beide/ zijden tgelijc de voirs(creven) goede inde voirs(creven) steden gelegen/ zijn luttel min of meer inde mate houden(de) te houden te/ hebben en(de) te gebruycken also lange als de voirs(creven) katline/ leven sal en(de) niet lang(er) elx jairs voe(r) en(de) dae(re)n bynnen/ voe(r) en(de) om sesse gripen en(de) drie vierdel van eenre g(ri)pen veertich/ placken gemeyns brabants paymants telken tide van betali(n)gen/ gemeynlic in bursen gaende voe(r) elke gripe gerekent te/ kersmisse te vallen(e) te betalen den voirs(creven) janne tribouts en(de)/ katlinen sijnen wive alle jae(re) also lange als de selve katline/ leven sal en(de) niet langer en(de) telken t(er)mijne alse vervolghde/ schout met alsulker vorwerden dat de voirs(creven) gebruede(re)/ jairlix betalen selen d allen den tsijs uut den voirs(creven) goeden/ gaende sond(er) afslach vanden voirs(creven) gelde also in tijts dat/daer gheen scade [daer] op en lope ende heeft geloeft de voirs(creven)/ jan tribouts den voirs(creven) gebruede(re)n vander voirs(creven) hueringen/ recht warant te sijn tegen enenyegeliken en(de) hen daer af/ altijt genoech te doen op dat hen hier in yet te/ naeuwe geschiet wae(re) also dat hen der voirs(creven) katlinen/ leefdage lanc vast en(de) seker sijn moege pynnock ca(pelle)[ma(n)] aug(usti) [ult(ima)] penult(ima)/

henr(ic) en(de) reyne(re)/ gebruede(re) en(de)/ laureys soen/ wilen jans/ brued(er)s der/ voirs(creven) gebrued(ere)n/ hebbe(n) gecon/ se(n)teert dit (con)tulit te gheve(n)/ den ene(n) va(n) hen/