SAL7752, Akte: V°277.2 (1267 van 1440)
Akte V°277.2
Act
Transcriptie
2012-11-16 door Jos JonckheerItem Alzo als jan wilen vranx and(er)wile in zine(n) testamente /gelaten heeft d(er) brued(er)scap van s(in)te qui(n)tens te loeven zeke(re) /woeni(n)gen gelegen in s(in)te qui(n)tens strate tuschen de goede /jacobs roekeloes en(de) den quaden holenwech met (con)dicien /bevondmen meer co(m)mers d(aer)uut gaende dan eene(n) rijnsch /gulden(en) en(de) sesthien stuv(er)s erflic dat dan des dair meer /uutginge de voirs(creven) brued(er)scap v(er)reycken soude aen huys /en(de) hof metten wynnen(de) lande gelegen dair tegen over /geheten den savelpoel dwelc de voirs(creven) jan in zinen testate /gelaten heeft d(er) tafelen sheilichs geests d(er) p(ro)chien va(n) /s(in)te qui(n)tens voirs(creven) En(de) men nu uuten voirs(creven) woeni(n)gen /die gheerd vanden bossche zoen pet(er)s vanden bossche tegen d(er) /voirs(creven) brued(er)scap gecregen heeft bevonden heeft uutgaende /boven den voirs(creven) co(m)me(r) xiiii l(i)b(ra) borsgelts jairlix chijs te /weten xii l(i)b(ra) [d(aer)af] aen de beghijne(n) te loeve(n) en(de) dand(er) ii l(i)b(ra) aen tcloest(er) /van percke So es comen voe(r) scepen(en) van loeven de voirs(creven) /gheerd kennende en(de) lyende dat de voirs(creven) momboers d(er) voirs(creven) /tafelen van wegen d(er) selve(er) hem vanden voirs(creven) xiiii l(i)b(ra) erflic /volcomelic voldaen en(de) gecontenteert hebben Ende heeft d(aer)om /geloeft de selve xiiii l(i)b(ra) jairlix van nu voirtaen op en(de) /van zijne(n) voirs(creven) woeni(n)ghen te gelden en(de) te betalen dragen /zond(er) den voirs(creven) heiligen geest oft oic de ande(re) goede voirscr(even) /met hoe(re)r toebehoirten [of der voirs(creven) bruederscap] uut ocsuyn van dien e(m)mermeer /aen te spreken of teyschen in e(n)nig(er) manie(re)n eisd(em)/
Nagekeken door: Inge Moris , Paul Peeters , Sabrina Keyaerts
Moderator: Sabrina Keyaerts
Laatste update:: 2012-11-16 door Sabrina Keyaerts