SAL7762, Act: V°246.1 (463 of 660)
Search Act
previous | next
Act V°246.1  
Act
Date: 1475-03-15

Transcription

2019-10-31 by Walter De Smet
Item alsoe henrick wilen van erpe cledermake(r) anderwile met scepen(en) brieven/
van loeven in hueringhen genomen heeft tegen den momboe(re)n vanden groten/
heilighengheest te loeven een stuck wijngairts houden(de) (½) vie(re)ndeel gelege(n)/
bijder stad vesten van loeven Te houden en(de) te hebben van alreheiligen/
misse dat was int jair van lxix eenen t(er)mijn van xxv jairen langh/
elcx jairs om een halve ame wijns en(de) op zeke(re) vorwerden ende/
condicien gelijc den brief dairaf gemaict xxvii daghe in merte a(nn)[o]/
lxix voirs(creven) die inhouden ende vercle(re)n So es comen voer scepen(en) van/
loeven h(er) lodewijck roekeloes vicecureit der kercken van s(in)te mychiels te/
loeven en(de) heeft de voirs(creven) hueringhe van margrieten weduwe des vors(creven)/
wilen henricks overgenomen Die te houden en(de) te hebben van desen dage/
voirts den t(er)mijn uut due(re)nde op alle de vorwerden en(de) condicien inder/
voirs(creven) hueringhen begrepen Geloven(de) de voirs(creven) h(er) lodewijck renu(n)c(ians) der/
voirs(creven) weduwen vander selver hueringhen en(de) den lasten dair inne/
begrepen aende voirs(creven) momboiren altoes scadelois te houden en(de) tontheffen/
Cor(am) langr(ode) heyk(ens) marcii xv
ContributorsJan Boncquet
Moderated byJan Boncquet
Last update: 2016-06-14 by Jos Jonckheer