Allen den ghenen (et)c(etera) burg(er)meest(ere)n (et)c(etera) saluyt met kennissen der/ waerheyt doen te weten(e) dat opden dach van heden voir ons come(n) is/ in p(ro)pren p(er)soene gielijs versoele zone wijlen reyners wonen(de) te/ houdert ende heeft gheordineert ghestelt ende ghemaect en(de) met/ des(en) l(ette)ren ordineert stelt en(de) maect zijnen p(ro)cur(eur) en(de) voirganghe(r) henricke/ goely zone wijlen jans wonen(de) te nuwerode in allen sijne(n) zaken gescille(n)/ en(de) bederve(n) die hij nu te doene heeft oft naemaels hebben sal in aenlegg(er)s/ of verweerd(er)s stad hoedanich die sijn Geven(de) ende verlenen(de) de voirs(creven) gielijs/ constitueerder den voirs(creven) henricke sijne(n) p(ro)cur(eur) thoenre des(er) volcomen/ macht auctoriteyt en(de) zunderlingh beveel alle de selve zaken met rechte/ te verwae(re)n te bescudden te vervolghen ende te bedinghe(n) tallen plaetssen/ en(de) gherichten ende teghen eene(n)yeghelijken dair dat behoeve(n) sal moghe(n)/ Ende desghelijx om alle des voirs(creven) constitueerd(er)s chijse renten pachte(n)/ lijft(ochten) ende ande(re) schulden diemen hem nu schuldich es oft naemaels/ wesen sal te manen teysschen opte bue(re)n ende tontfanghen den/ schulde(re)n van sijne(n) ontfanghe quijt te schilden ende quitan(cie) te gheven dair/ voe(r) te panden te daghen(e) ende rastamente te doen legghen composicie/ en(de) mynlijke yffeni(n)ghe dair af te maken scepen(en) brieve(n) te vo(n)nissen ende/ te exeque(re)n ende allen des voirs(creven) constitueerd(er)s goede hoedanich die/ sijn te verhue(re)n te verpachten ende met jairschae(re)n uut te gheve(n) en(de)/ de selve chijse rinten pachte(n) lijft(ochten) en(de) schulde(n) met rechte te vervolge(n)/ en(de) te bedinghe(n) die te wynne(n) ende te verliesen ghetuyghe(n) ofts behoeft/ te leyden der wederp(ar)tijen ghetuyghe(n) te syen swe(re)n te replice(re)n te duplice(re)n/ alsoe waele int p(ri)ncipael als int accessoir alsoe dicwijle en(de) menichw(er)ve(n)/ als des te doen sal sijn Ende alle manie(re)n en(de) ar(ticu)[le(n)] van rechte dair toe/ te vorde(re)n die nae recht of costume vanden plaetssen d(air) dat ghebuert/ behoe(re)n moghe(n) ende den voirs(creven) p(ro)cur(eur) orberlick duncken sal Ende voirtaen/ g(e)n(er)alick en(de) sp(eci)alick allet ghene d(air) inne te doene (et)c(etera) P(ro)mitt(ens) rat(um) cu(m)/(com)pu(tati)[o(n)e] [qua(ndo) p(oteri)t face(re)] et revocac(i)o(n)e cor(am) meld(er)t burg(imagistr)[o] lyemi(n)ghe(n) langrode scab(inis) april(is) xxiiii