Ald(air) bijden raide vand(er) stad de p(ro)cur(eur)s des goidsh(uys) va(n) oplynthe(r)/ hebbe(n) hebben willen voirtva(r)en met hue(r)en thoen(e) d(air)toe zij bijd(en)/ raide vand(er) stad wa(r)en geadmitteert en(de) d(air) af den dach op hede(n)/ dien(de) tegen de jouffr(ouwe) van halleer hebben de p(ro)cur(eur)s der selver/ jouffr(ouwe) geseet dat vele meer p(er)sone(n) die zij ald(air) in gescrifte/ ov(er)gave(n) d(air)bij en(de) aen wa(r)en dair tractaet tusschen die van/ lynthe(r) en(de) janne de witte en(de) zijn borge(n) aengaen(de) der pechti(n)gen/ vanden hove van halleer gemaict was bege(re)nde dat die/ oic gehoirt mochten wordden hopen(de) dat dat sculdich soude/ zijn te geschieden(e) te voirde(r) wa(n)t de ghene dair tvoirs(creven)/ godshuys hen wouden behulpe(n) meest woenden in oft omtri(n)t/ den godshuyse en(de) wonne(n) dagelijcx hue(r) broot aen tgoidshuys/ D(air)op de voirs(creven) p(ro)cur(eur)s bekinde(n) genoech dat de voirs(creven) p(er)sone(n)/ som in en(de) omtri(n)t den godshuyse woende(n) mair seyden/ dat zij en wa(r)en wynners noch v(er)liesers ind(er) saken/ niet te myn zij wa(r)en wel te vreden dat dande(re) oic/ gehoirt wordden behalve(n) dat hue(r) wed(er)p(ar)tie de ghene/ die zij d(air)op oic beg(eer)t gehoirt te hebben(e) dade bescrive(n)/ te hue(re)n coste dwelc dande(re) wed(er)p(ar)tie alsoe co(n)senteerde/ d(air)toe zij dach name(n) op van heden in xiiii nachten/ naistcomen(de) Es get(er)mineert datmen alsdan den thoen/ sal aenhoi(r)en en(de) dat de goede joes wilen van halleer/ dien tijt hangen(de) sullen blive(n) in sequestre sond(er) gede/ postueert oft v(er)mynd(er)t te wordden(e) opde v(er)buerte/ vand(er) saken Act(um) in (con)s(ili)[o] opidi januarii xviii