It(em) vanden gedinge dat geweest heeft inde banc voir/ meye(re) en(de) scepen(en) van loven(e) tussche(n) willem(me) de wynne/ geheete(n) van schore als p(ro)cur(eur) jouffr(ouwe) marie(n) van vordele/ weduwe joes wilen van beerhem ter eenre ende machiele/magriete van berlair [van bouleer] ter ande(r) zijden Ald(air) elc van hen/ versocht gelesen te hebben(e) eene(n) scepen(en) brief van loven(e)/ geregistreert staen(de) februarii xxv li(br)[o] lxxxi me(n)cie/ maken(de) hoe de voirs(creven) jouffr(ouwe) als tocht(er)sse h(er)man looman/ en(de) katline van beerhem zijn wijf docht(er) der voirs(creven) jouffr(ouwe)/ marien als erfliede in p(rese)ncien van meye(r) en(de) scepen(en)/ van loven(e) terfpachte uuytgegeve(n) hadden den voirs(creven)/ mychiele van bouler dwynhof geheete(n) ten ryeuwe/ metten huysen hove(n) boogaerde wynnen(de) lande beemde(n)/ eeussele(n) en(de) vijf boende(re)n erfs ond(er) hegge en(de) haghen/ met meer ande(re)n hue(re)n toebehoirte(n) gelegen te wave(r)/ in div(er)sen stucken ald(air) Elc boend(er) soe v(er)re de mate/ van dien strect niet uuytgesceyden om xiiii mol(evaten)/ corens erfs pachts d(air)aen den selve(n) machiele soude/ come(n) tafslage den co(m)mer en(de) erfpacht van voi(r)e/ d(air) uuyt gaen(de) en(de) inde selve brieve gespecificeert/ van welken erfpachte die de voirs(creven) jouffr(ouwe) en(de) hue(r)/ docht(er) d(air)op behielden De voirs(creven) machiel geloofde/ af te leggen(e) in stad van ond(er)pande vijf mudde/ corens erflijc te weten(e) drie mudde d(air)af tusschen/ dat en(de) half meye doen naistcomen(de) en(de) twee/ mudden bynne(n) eene(n) ja(r)e d(air)nae en(de) elc mudden/ met xviii gulden(en) g croone(n) te xxvii st(uvers) tstuc en(de)/ drie pl(a)c(ken) voir elken st(uver) en(de) met vollen pachte nae/ gelande vand(er) quitinge(n) Van welken goeden de/ moed(er) vand(er) tocht en(de) de docht(er) met hue(re)n voirs(creven)/ man vand(er) erffelich(eit) geloefden genoech te doen(e) en(de)/ die te warande(re)n opden co(m)mer inde selve brieve(n) gespe/ cificeert en(de) den selve(n) mychiele altijt tzijne(n) coste/ goede guedinge en(de) vestich(eit) te doen(e) voir alle/ hove(n) en(de) hee(re)n d(air) af men de goede houden(de) es/ tzijne(n) coste van briefgelde en(de) anders Met erfvoirw(er)de(n)/ d(air) inne ond(er)sproken dat de voirs(creven) machiel de voirs(creven)
//
goede jairlijcx wynne(n) werve(n) ende meste(n) soude wel/ en(de) loflijc gelijck reengenooten bove(n) ende beneden/ en(de) de huysinge vanden voirs(creven) hove desgelijcx houden/ van goed(er) rep(ar)acien van wande en(de) dake sond(er) die/ te laten v(er)arge(re)n En(de) geloefden oic de voirs(creven) jouffr(ouwe)/ ma(r)ie en(de) gehuysschen d(air)inne te vervangen(e) (christ)offele(n)/ van beerhem oic sone der voirs(creven) jouffr(ouwe) marien/ alsdoen buyten lants zijnde soe wa(n)neer hij bynne(n)/ lants come(n) soude zijn dat hij alsdan oic gelike/ gued(ing)[e] en(de) vestich(eit) doen soude Ende ter ande(r) zijden/ hadde geloeft de voirs(creven) mychiel voir den voirs(creven) erfpacht/ te setten(e) tond(er)pande ix dach(mael) lants gelegen te leefdale/ soe wa(n)neer hij de vestich(eit) vanden voirs(creven) goeden hebben/ soude ind(er) substancie(n) de voirs(creven) brieve(n) dat inhielde(n)/ Ende die gelesen zijnde dede de voirs(creven) jouffr(ouwe) ma(r)ie/ seggen hoe zij uuyt crachte vanden selve(n) brieve(n) huer/ hadde doen leyden tot alle den goeden des voirs(creven) machiels/ en(de) die doen leve(re)n en(de) dat mits dien dat de voirs(creven)/ machiel hue(r) tocht(er) was seke(re)n acht(er)stellige(n) pacht/ van s(in)te andriesmisse lestleden v(er)schene(n) en(de) dat hij/ oic vanden afleggen(e) vanden voirs(creven) vijf mudden/ corens geheelijc in gebreke was behalve(n) dat zij/ d(air)op bekinde ontfange(n) te hebben(e) xxx peters eens/ Ende tot dien liet de voirs(creven) machiel de huysinge al/ v(er)gaen en(de) en hielt die niet soe hij sculdich was/ naevolgen(de) hue(re)n brieve(n) te doen(e) mits den welken/ hue(re)n pa(n)t gescapen wa(r)e geargeert te wordden sustine(re)nde/ voir hue(r) co(n)clusie dat huer de voirs(creven) machiel de/ voirs(creven) gebreken sculdich soude sijn te voldoen(e)/ huer des gedragen(de) totten rechte D(air) tegen de voirs(creven)/ machiel hem verantw(er)den(de) dede seggen dat/ hij hem voir de gelufte van genoechdoen(e)/ wairscape en(de) vervangen(e) oic hadde doen leydden/ totten goeden der selver jouffr(ouwe) marien ende/ gehuysschen en(de) dat om deswille dat hem de/ voirs(creven) jouffr(ouwe) en(de) gehuysschen gheene gued(inge) en(de)/ vestich(eit) gedaen en hadden soe sij hem geloeft/ hadden noch oic en hadden zij den voirs(creven) (christ)offel/ van beerhem niet bracht te halme dat hij sedert
//
bynne(n)lants te halen en(de) elde(r) gewoe(n)t heeft hadde/ dwelc hij p(rese)nteerde te thoenen oft hem omtkint/ wa(r)e sustine(re)nde d(air) om ter contra(r)ien vanden eyssche/ der voirs(creven) jouffr(ouwe) dat zij hem van al sculdich soude/ sijn te voldoen(e) men en soude oic niet bevi(n)den/ dat hij p van pachte tacht(er) was bove(n) iiii/ Oic hadde hij seke(re) scult van huer ov(er)genome(n)/ te betalen(e) die zij jairlijcx sculdich was te wave(r)/ nochtan dat hij niet voldaen en was vander/ geluften bij hue(r) gedaen en(de) d(air)op soe hadde hij huer/ betalinge noch ond(er) gehouden en(de) soude hij huer altijt/ voldoen van hue(re)r betalinge(n) en(de) sij en soude hem niet/ voldoen soe wa(r)e hij noch gescapen nae hue(r) doot/ alle tghene te v(er)liesen dat hij d(air) aen gehange(n) hadde/ Wa(n)t al mocht (christ)offel derfman nu zwigen hij en/ soude niet swigen nae hue(r) doot niet myn soe/ v(er)re zij hem voldade hij p(rese)nteerde hem [huer] te voldoen(e)/ van tghene des bevonden soude wordden dat hij/ te huerweert gehouden wa(r)e d(air)mede hij hoopte te/ gestaen(e) hem des gedragen(de) totten rechte met meer/ woirden bij p(ar)tien in wed(er)zijde geallegeert Es bij/ vo(n)nisse ter manissen smeyers gewesen dat machiel/ met zijnd(er) p(rese)ntacien gestaen sal in sca(m)pno p(rese)nt(ibus)/ o(m)nib[(us)] de(m)pto pynnock septe(m)br(is) xxiii