Item lodewijck van dongelbeert sone wijlen lodewijx/ ende lorein del crois sone wijlen lorains beyde woenen(de)/ te chamont in p(rese)ncia hebben genomen en(de) bekynnen/ genomen te hebben(e) van lambeerde de sondraf alse
//
procur(ator) jans del tour huys en(de) hof met landen/ beempden bossche(n) en(de) allen ande(re)n toebehoirten desselfs/ jans del tour gelegen te chamo(n)t voirs(creven) in alder/ manie(re)n en(de) op alle de voirweerde(n) condicien ende/ geluften begrepen in seke(re) chirograve dair op gemaict/ soe sij vercleerden dair af elc van hen een hadde Te/ houden en(de) te hebben van sinte machiels messe naist/ comen(de) eenen t(er)mijn van neghen jae(re)n lang due(re)nde/ deen nae dander sonder middel vervolgen(de) Elcx jairs/ dae(re)nbynnen om en(de) voe(r) seven mudden corens pag(abilis)/ cu(m) va(n)no mensu(r)e lovanien(sis) alle jae(re) s(in)[t] andr(iesmiss)[e]/ ap(oste)ls te betalen(e) en(de) te loeven(en) oft soe verre als/ loeven(en) es dairt den voirs(creven) ja(n)ne del tour gelieve(n)/ sal te leve(re)n ende om seven rins gulden(en) te/ xx stuv(er)s tstuck insgelijcx s(in)[t] andr(iesmiss)[e] ap(oste)ls/ te betalen(e) den voirs(creven) t(er)mijn due(re)nde quol(ibe)t ass(ecutu)[m]/ dair af dyerste betalinge inne gaen sal van s(in)[t]/ andr(iesmiss)[e] ap(oste)ls te betalen(e) naistcomen(de) over twee/ jae(re)n en(de) niet eer en sullen zij van e(n)nigen pachte/ gehouden sijn mair sulle(n) de voirs(creven) wynnen den voirs(creven)/ t(er)mijn due(re)nde van jae(r) te jae(r) alle chijsen en(de) lasten/ diemen den voirs(creven) goeden mach eysschen(de) zijn op/ hue(re)n last soe in tijts betale(n) dat de goede niet/ beschadicht en wordden en(de) oft jan del tour oft sijn/ goede voirs(creven) dair bij e(n)nighe schade leden die sulle(n)/ de voirs(creven) wynnen moete(n) oprichten en(de) betalen/ Item de voirs(creven) wynnen hebben bekint dat hen jan/ del tour voirs(creven) geleent heeft dertich peeters te/ xviii stuv(er)s tstuck de welke sij hem geloeft hebben/ ten lesten jae(r) van hue(re)n voirs(creven) t(er)mijne te restitue(re)n/ ende te betalen Item de selve wynnen hebben geloeft/ want e(n)nige der voirs(creven) goeden nu driesch liggen/ dat sij alle de goede(n) ten afscheyden(e) van hue(re)n/ t(er)mijnen wel en(de) loflijck sulle(n) gewonne(n) laten ende/ dese voirs(creven) voirweerde(n) en(de) de voirweerde(n) en(de) condicie(n)/ begrepen inden cyrograve dair af gemaict voir/ wet van chamont hebben de voirs(creven) p(ar)tien malcande(re)n/ geloeft te voldoen(e) quol(ibe)t ass(ecutu)[m] (et)c(etera) cor(am) g(ra)ven borch m(ar)cii/ penult(ima)