Item symoen colijns sone wilen zegher colijns scaloetse(n)make(r) es comen voe(r) scepen(en) van lovene/ en(de) heeft gheloeft op sijn lijf en(de) op sijn goet en(de) op lantzoene dat hij o(m)me des wille dat hij te/ lovene en(de) ghevanghen heeft gheweest o(m)me seke(re) mesdaet die hij mesdaen hadde noch o(m)me en ghene sake(n)/ die gheschiet sijn noch and(er)s o(m)me en ghene dinc of sake(n) wille hoe danech sij sijn moghen ne(m)merme(r) te ca(m)pe/ eyschen noch daghen noch moyen en sal noch dat doen doen bij hem selven noch bij nieman and(er)s in en/ gheenre maniere(n) de buten den lande van brabant den meye(r) va(n) lovene noch en ghene(n) van sine(n) dieners/ noch niema(n)ne vande(n) rade vand(er) stat [va(n) lovene] of die toehoert oft porte(r) oft porte(r) insete es der stat va(n) lovene/ noch niema(n)ne uten lande va(n) brabant noch niema(n)ne and(er)s wie hij sij Behoudelec den selve symoene/ heeft hij yema(n)ne yet te eysschen ocht aen te spreken dat hij dat wel mach doen voe(r) den meye(r) en(de) scepen(en)/ te lovene in de banc maer niet and(er)s p(rese)nt(ibus) egidio rike (et) gerardo grute(re) scab(in)is lov(aniensibus) Anno m[mo] cccc[mo] se(cun)do/ april(is) qu(ar)ta