SAL8104, Act: V°40.3 (14 of 45)
Search Act
previous | next
Act V°40.3  
Act
Date: 1400-06-11

Transcription

2020-01-09 by xavier delacourt
Ite(m) jan van bertheem oudecledercop(er)e sone wilen jans es comen voe(r) scepen(en) van lovene/
en(de) heeft gheloeft op lantzoene en(de) op sijn lijf en(de) op sijn goet dat hij ne(m)merme(r)/
ondanc weten en sal noch wangonst noch daghen noch noch moeyen noch te campe/
eyschen buten lands noch binnen lands in gheenre manieren wout(er)en maes ja(n)ne/
beertram martijn van gheest henr(ic) van cockeamont gielijs kerstiaens henr(ic)/
van waelheyn mathise tyben vrancken van leefdale noch niema(n)ne vanden/
ambachte der oud(er) cled(er)cop(er)s noch niema(n)ne and(er)s o(m)me des wille dat sij hen sijns/
onderwonden hebben en(de) tsine hebben helpen vercopen en(de) vercopen selen ghelijc dat hij/
oec nu co(n)senteerde en(de) hen vriendelike bat o(m)me daer mede te betalen alsulken/
ghelt als daer sine o(m)me ghecocht en(de) ghequijt hadden en(de) voer hem gheloeft/
hadden te dieste daer hij ghevanghen was van seke(re)n saken van onseden die/
hem opgheseit en(de) aengheteghen waren noch o(m)me en ghene ande(re) saken die tussche(n)/
hen ghesciet sijn tot opden dach van heden huffle zas grute(re) m cccc/
junii xi[a]
ContributorsGreet Stevens
Moderated bykristiaan magnus
Last update: 2017-04-25 by Xavier Delacourt