Cond zij alle(n) lieden dat jan vander elst wonen(de) te tieldonc/ sone peet(er)s wilen vander elst en(de) m(ar)griete sijn wijf in/ jegewordich(eit) der scepen(en) van loeven(e) gestaen hebbe(n) genomen/ en(de)bekint dat sij genome(n) heeft hebben van henricke/ uut(er) helicht geheeten vander borch sone arnds wile(n) uut(er)/ helicht geheeten vand(er) borch dwinhoff des selfs he(n)rix/ geheeten thoff t(er) borch mette(n) woeni(n)ghen husen hoven/ wynnen(de) landen en(de) eeusselle en(de) mett(er) weyen vanden/ bosschen en(de) hue(re)n toebehoerten gelegen te tieldonc/ gelijkerwijs lodewijk gheerts de selve goede in/ pechtingen gehouden heeft Te houden te hebben en(de)/ te winnen van halff meye naestcomen(de) eene(n) t(er)mijn/ van xii jare(n) lang due(re)nde deen nae dander sonder/ middel volgen(de) elx jaers dae(re)nbinnen voe(r) en(de) o(m)me/ viertich mudden rogs goet en(de) paiabel met wa(n)ne/ en(de) met vede(re)n wel bereit d(er) maten van loeven(e) alle/ jare s(in)te andriesmisse des apostels te betalen en(de)/ om xi gul(den) rinssche van goude goet en(de) ginge/ alle jare sinte m(er)tensmisse inden wint(er) te betalen/ en(de) tvors(creven) coren en(de) gelt te loeven oft te tieldonc/ d(aer)t den vors(creven) henricke best gelieve(n) sal te leve(re)n/ den vors(creven) henr(icke) den vors(creven) t(er)mijn due(re)nde en(de) telken/ t(er)mijne als v(er)volghde schout Dierste betalinghe/ inne te gane vanden vors(creven) coerne van sinte/ andriesmisse apostels nu naestcomen(de) ov(er) een jair/ en(de) vanden gelde van s(in)te m(er)tensmisse nu naestcomen(de)/ ov(er) een jair en(de) niet eer opde vurwerden ende/ condicien h(ier) onder bescr(even) Inden iersten dat de/ vors(creven) jan en(de) sijn huysvrouwe de vors(creven) goede/ / wel en(de) loflic winnen werve(n) en(de) ov(er)mesten en(de) de vors(creven) eeusselle/ en(de) bossche beheymen en(de) bevreden gelijc hue(re)n regenoeten bove(n)/ en(de) beneden It(em) sulle(n) de selve gehuyssce(n) de huysinge vande(n)/ vors(creven) goede(n) op hue(re)n cost houde(n) vand(er) ond(er)ster rikele(n) ned(er)weert/ wel en(de) loflic en(de) den selve(n) henricke jairlix den t(er)mijn/ due(re)nde leve(re)n lx mandele(n) walms o(m)me de huysinghe/ mede te decken en(de) alsme(n) dien v(er)dect sal henric den/ wercluden de dachue(re)n betalen en(de) de wi(n)ne sal hen/ den montcost geven It(em) de vors(creven) wi(n)ne en sulle(n) huer/ beeste(n) opde vors(creven) bossche niet mogen laten gaen ten zij/ dat de spruyten d(aer) af tierst out sijn sulle(n) twee jair/ It(em) desgelijx sulle(n) de selve gehuysschen op hue(re)n cost/ jairlix hue(re)n t(er)mijn due(re)nde coepen xii voeder m(er)gels/ elc voeder met iiii p(er)den en(de) dat opde vors(creven) lande/ vue(re)n tot hue(re)n meesten p(ro)fijte en(de) desgelijx sulle(n) sij tot/ hue(re)n coste den selve(n) henr(icke) leve(re)n [vue(re)n met hue(re)n wage(n) en(de) p(er)de(n)] jarlix van tieldonc/ te loeven(e) een duysent rijs en(de) xii wissen herts houts/ d(aer) de selve henric dat coepen sall It(em) sulle(n) de selve/ gehuysscen den selve(n) henricke jairlix op sijne(n) wijng(ar)t/[geleg(en) opde(n) royberch] vue(re)n een voeder wijng(ar)tstaken d(aer) de vors(creven) henric die/ coepen sall It(em) voertmeer sulle(n) sij alnoch den selven/ henr(icke) met hue(re)n wagen en(de) p(er)den doen alsulke kerweye(n)/ als hij jarlix den t(er)mijn due(re)nde behoeven sall en(de)/ alsd(oen) sal de wi(n)ne sijne(n) montcost hebbe(n) en(de) voe(r) sijn/ p(er)den hoy en(de) stroe en(de) des sal de selve henric/ den selve(n) ja(n)ne geve(n) iiii elle(n) lakens tot eene(n) tabb(ar)de/ jarlix den t(er)mijn due(re)nde oft d(aer) voe(r) een mudde rox/ dwelc den selve(n) henr(icke) va(n) beids gelieven sall It(em) sulle(n)/ noch de selve wi(n)ne(n) op hue(re)n cost den vors(creven) henr(icke) jarlix/ hue(re)n t(er)mijn due(re)nde een coe winteren ende zoemeren/ / en(de) den selve(n) henricke noch jairlix te paessche(n) geve(n) i(½)[c] eyere/ en(de) d(aer) voe(r) so sal henric den vors(creven) wi(n)ne(n) tot hue(re)n aencome(n) inde(n)/ hove leve(re)n xii hoendere(n) en(de) eene(n) hane die de selve/ wi(n)ne tot hue(re)n afsceiden inde(n) selve(n) hove late(n) sulle(n) en(de)/ oft de winne opde vors(creven) goede va(n) hem selve(n) enige scape/ hult so sal de selve wi(n)ne den vors(creven) henr(icke) d(aer) af jarlix geve(n)/ eene(n) goeden hamel also lange als hij die ald(aer) houde(n) sall/ It(em) sulle(n) de vors(creven) gehuysschen den vors(creven) henricke sond(er) sine(n) cost/ jairlix sayen een sist(er) lijsaets opde vors(creven) goede d(aer) de vors(creven)/ wi(n)ne(n) thue(re) sayen sullen en(de) dlant d(aer)toe gereiden d(aer) toe dat/ henric den saet leve(re)n sall It(em) sulle(n) de selve gehuyssche(n)/ jairlix hue(re)n t(er)mijn due(re)nde opde vors(creven) goede sette(n) xxx/ leve(n)de poeten en(de) alle v(er)droeghde willige(n) sulle(n) sij moge(n)/ afhouwe(n) en(de) voe(r) elke v(er)droeghde willige wed(er)om setten ii/ levende poeten It(em) allet scaerhout omtrent den vors(creven) lande/ staen(de) sal den vors(creven) winne toebehoere(n) sond(er) den vors(creven) henricke/ d(aer) inne enichsins gericht te sine It(em) allet doeft staen(de) en(de)/ jairlix wassen(de) int hof binne(n) d(er) poerte(n) sulle(n) de vors(creven) he(n)ric/ en(de) wi(n)ne half en(de) half hebben den vors(creven) t(er)mijn due(re)nde/ m(aer) sal de vors(creven) winne dat tot sijnd(er) cost geheelic t(er) eerden/ leve(re)n It(em) de vors(creven) henric en(de) wi(n)ne sulle(n) va(n) malcanderen/ mogen sceiden binne(n) den ierste(n) vi jae(re)n op dat hen oft enige(n)/ van hen gelieft behoud(elic) dat de ghene die alsoe scheide(n)/ wilt dat den ande(re)n een jaer te voe(re)n condige(n) moet It(em) de/ vors(creven) winne en sal in sine(n) leste(n) jae(r) de vors(creven) goede niet moegen/ hoervruchte(n) It(em) voert sal de selve wi(n)ne de vors(creven) goede/ laten tot sine(n) afsceiden gelijc hij die vinde(n) sal tot sine(n) aencome(n)/ En(de) alle dese vors(creven) vurwerden geluften en(de) condicie(n) bove(n) bescr(even)/ hebben geloeft de vors(creven) wi(n)ne in deen zijde en(de) henric in dande(re)/ deen den and(ere)n vast gestentich en(de) omv(er)brekelic te houden en(de) te/ voldoene talle(n) tiden en(de) t(er)mijne(n) als die valle(n) en(de) v(er)schine(n) sulle(n)/ q(uolibet) ass(ecutu)[m] cor(am) roel(ofs) abs(oloens) sept(embris) xxiiii