SAL8126, Akte: R°102.4-V°102.1 (119 van 454)
Zoek akte
Vorige | Volgende
Akte R°102.4-V°102.1  
Act
Datum: 1455-11-10

Transcriptie

2019-02-19 door Marika Ceunen
It(em) dbeleit h(ier) af gedaen sijnde sulle(n) beide schoutbrief en(de) beleit/
brief ond(er) scep(enen) va(n) loeven(en) blive(n) liggende tot behoef des vors(creven)/
lambrechs Tot deser meyni(n)gen dat de selve lambrecht/
d(aer) mede verhale(n) sal aende vors(creven) goede [d(er) vors(creven) p(er)sone(n) oft enichs va(n) hen] alle alsulc gebrec met/
coste en(de) co(m)me(r) va(n) rechte oft and(er)ssins d(aer) op geloepe(n) alse de selve/
lambrecht heeft oft hebbe(n) sal moege(n) vand(er) pechtinge(n) va(n) sijne(n)/
goede(n) te tolmair en(de) d(aer) omtre(n)t geleg(en) welke goede de vors(creven)/
jan thijs als principael en(de) de vors(creven) sijn sone als borghe in/
pechtinge(n) houden(de) sijn en(de) eene wijle tijts gehoude(n) hebbe(n) op zeke(r)/
vurwerde(n) en(de) (con)dicie(n) tussce(n) den vors(creven) lambrechte t(er) eenre en(de) de(n) vorsc(reven)/
ja(n)ne thijs en(de) sijne(n) sone t(er) ande(r) zijden bevorwert en(de) geslote(n)/
het sij dat sulc gebrec wae(re) vande(n) jaerlike(n) pachte vande(n) mes/
wi(n)ne(n)ne oft va(n) enige(n) and(ere)n vurwerde(n) oft pointe(n) ind(er) selv(er) pech/
tingen besproke(n) en(de) bevurwert en(de) de(n) vors(creven) lambrechte va(n)/
alle(n) sijne(n) gebreke(n) d(aer) inne de vors(creven) p(er)soene(n) [te hemwert] gehoude(n) sijn in wat/
manie(re)n dat wae(re) het wae(re) dat sulc gebrec wae(re) uut ocs(uyne) d(er)/
pechtinge(n) oft and(er)ssins [buyten de pechti(n)ge(n)] oft binne(n) de(n) tijde vand(er) pechtinge(n) [sculd(ich)] sijn sulle(n)/
hoedanich die schout wae(re) welke schout de vors(creven) lambrecht oec/
metten selve(n) beleide tot sijnre eedt sal moege(n) verreike(n)
//
vernueght sijnde en(de) den eynde vande(n) uutgane der selv(er)/
pechtinghe(n) salme(n) de(n) vors(creven) schoutbrieff en(de) beleitbrieff/
anichele(re)n en(de) te nyeute doen sonder argelist It(em) voert/
heeft geloeft de vors(creven) jan thijs den vors(creven) wille(m)me thijs/
sijne(n) sone die voe(r) den selve(n) ja(n)ne sijne(n) vader voe(r) tvoldoen/
der vors(creven) pechtingen den t(er)mijn [uut] vander selv(er) due(re)nde en(de) voe(r) alle/
pointe(n) vurwerde(n) gelufte(n) en(de) (con)dicie(n) der selv(er) aengaende borge/
bleve(n) is den selve(n) wille(m)me sijne(n) sone d(aer) af scadeloes en(de)/
costeloes te houden en(de) tontheffen Consenteren(de) en(de) willecoe/
rende de selve jan thijs den vors(creven) lambrechte als geleit/
gelijc vors(creven) steet in gevalle oft de vors(creven) wille(m) sijn sone/
in enig(er) manie(re)n gepraemdt worde oft scade lede uut ocsuyne/
der pechtinge(n) vors(creven) oft van and(ere)n borchtochte(n) d(aer) voe(r) de selve/
wille(m) voe(r) den selve(n) ja(n)ne sijne(n) vad(er) borge bleve(n) is oft(er)/
gesproke(n) heeft dat dan de vors(creven) lambrecht mette(n) selve(n)/
beleide opde goede des vors(ceven) jans den vors(creven) wille(m)me behulp/
doen [sal] o(m)me d(aer) af scadeloes onthave(n) te worden en(de) desgelijx voert/
o(m)me oec te come(n) en(de) te gerake(n) tott(er) schout d(aer) inne de selve/
sijn vad(er) te hemwert gehoude(n) is Dwelc de vors(creven) lambrecht/
de(n) vors(creven) wille(m)me [hem] tot sijnen cost [te(n) coste des selfs willems] dat geloeft en(de) toegeseedt/
heeft mette(n) selve(n) beleide in doene alsoe v(er)re alst in hem/
sal sijn en(de) hem mogelic va(n) doene en(de) de goede strecke(n) sulle(n)/
den selve(n) lambrecht tierst va(n) sijne(n) gebreke(n) v(er)nueght en(de)/
voldae(n) sijnde cor(am) eis(dem)
Nagekeken doorkristiaan magnus
Moderatorkristiaan magnus
Laatste update:: 2018-04-20 door The Administrator