It(em) jan van stakenborch van triecht diene(re) sjonch(e)r(e)n diericx/ van palant drossete ons gened(ichs) she(re)n sh(er)toghen in sine(n) lande/ van valkenborch ende als bijden selve(n) jonch(e)r diericken totte(n) zaken/ en(de) ontfanghe hier onder bescreve(n) vermechticht ghelijck dat bleeck/ uut zeke(re) brieven bijden selve(n) jonch(e)r diericken den voirs(creven) janne van/ stake(n)borch dair op verleent ende met zijnen zeghele bezegelt int/ jair xiiii[c] lxvi xxi daghe in januario nae costume van scrive(re)n shoofs/ van ludick in p(rese)nc(ia) heeft ghekent ende ghelijdt dat hij als v(er)mechticht/ vanden voirs(creven) jonch(e)r diericken ende inden name van hem ghehave(n)/ ende ontfanghen heeft van ende uut handen jans ouderogghe jans/ van coelen henricx van wynghe en(de) goessens tybe als rintmeest(er)s/ vand(er) stad van loven(e) de su(m)me van vi[c] lxi rinssche te xx st(uvers) stuc/ en(de) xi st(uvers) en(de) iii ort stuv(er)s alse voe(r) tderdedeel vander beden bijden drie/ staten vande(n) lande van brabant onsen ghened(ighen) hee(re) den h(er)toghe en(de)/ onsen hee(re) den grave van charloys ende sijnre vrouwe(n) der gravynne(n)/ wijlen van charloys zalig(er) ghedachte(n) gheconsenteert en(de) v(er)schene(n)/ te kersmisse lestlede(n) ende te liechtmisse ombeg(ri)pen d(aer) nae betaelt/ te zijne Bekennen(de) de selve jan van stakenborch hem inde(n) name/ vanden voirs(creven) jonch(e)r diericken vanden voirs(creven) gheheele(n) derdendeele/hem vande(n) voirs(creven) rintmeest(er)s van lov(en) volcomelick met ghereeden/ pe(n)ninghen vernueght te zijne Gheloven(de) den selve(n) rintmeeste(re)n tot/ behoef vand(er) stad dair aff gherecht warant te zijne ende he(n) dair aff/ ne(m)mermeer aentespreken(e) in e(n)nige(n) rechte(n) geestelick oft weerlick in
//
e(n)nig(er) manie(re)n Ende heeft de selve jan van stakenborch de quitan(cie)/ van onsen gened(ighen) hee(re) den h(er)toghe onsen hee(re) van charloys en(de) van/ sijnre vrouwe(n) h(ier) toe dienen(de) ghesedt in hande(n) andries van den/ nausnide(re) tot behoef vand(er) stad van loven(e) voirs(creven) o(m)me der selv(er)/ stad die te dienen(e) tott(er) betalinghe(n) vanden eene(n) derdendeele die/ sij dair aff gedaen heeft En(de) de selve gheheele quijtan(cie) der selv(er)/ stad te volgen(e) ende bijden selve(n) andriese ov(er)ghegeve(n) te wordden(e)/ soe wa(n)neer die ande(re) twee derdendeele betaelt zulle(n) sijn zonder/ e(n)nighe quitan(cie) weygheringhe dair inne te maken(e) oft te laten/ gheschieden cor(am) kers(makere) roelants febr(uarii) v[ta]

It(em) de vors(creven) andries naus(nidere)/ heeft de brieve bij/ bevele van jans ov(er)/ goessens tijbe ende/ jans sampsoens en(de) ja(n)s/[van stakenborch] in hande(n) gesedt jorijs/ de hondt wisselee(re)/ te lov(en) [tot behoeff va(n)d(er) [stad]] m(ar)tii xxii/ a(nn)[o] lxv xviii