Allen den ghenen die dese l(ette)ren sulle(n) sien oft hoe(re)n lesen burg(er)meest(eren)/ scepen(en) en(de) raid d(er) stat van loven(e) saluyt met ke(n)nisse(n) der/ waerh(eit) doen te wetene dat opden dach va(n) heden voir ons/ come(n) sijn en(de) v(er)schene(n) in hue(re)n p(ro)pe(re) p(er)soene goessen en(de) vrancke/ mossens gebruede(re) kinde(re) gheerts wijle(n) mossens en(de) hebben/ ald(aer) in alle d(er) bester formen en(de) manie(re)n soe dat nae recht best/ mach diene(n) en(de) stat grijpen geconstitueert geco(m)mitteert geordineert/ gesedt en(de) met volcomend(er) auctoriteit gemechticht marien mossens/ hue(re)r sust(er) o(m)me alle de goede en(de) p(ro)fijten der selv(er) chijsen rinten/ erfpachten en(de) sculden den vors(creven) twee gebrued(ere)n toebehoe(re)nde tot ast/ inde p(ro)chie va(n) goetsenhoven en(de) d(aer) omtre(n)t gelege(n) aen wat/ goeden oft p(er)soene(n) dat dat zij oft gebue(re)n sal dieme(n) hen sculd(ich)/ is oft naemaels wesen sal Te eisschene te manene opte bue(re)n/ en(de) inne te heffene de sculders d(aer) af quijt te scelde(n) en(de) quitan(cie) te/ geve(n) en(de) voir gebrec va(n) dien met rechte het sij met pendi(n)ge(n)/ oft and(er)ssins soe dat nae recht vand(er) vors(creven) plaetsen behoert/ te p(ro)cedere(n)ne derflike goede den vors(creven) gebrued(ere)n toebehoe(re)nde t(er)/ plaetsen vors(creven) en(de) d(aer) omtre(n)t gelegen in pechtinge(n) en(de) jaerschae(re)n/ te v(er)pachtene uut te gheve(n) en(de) te v(er)huere(n)ne En(de) voirt de vors(creven)/ goede als d(aer) questie af gebuert met rechte te bedingene in/ aenspraken en(de) v(er)antwerde(n) te come(n) thoenisse en(de) waerheid(en) te/ leidene en(de) alle p(ro)cessen acten en(de) t(er)mijne(n) va(n) rechte te doene en(de)/ te houdene vo(n)nisse(n) en(de) senten(cien) sij sijn int(er)locuteur oft diffinitijff/ teisschen taenhoe(re)n en(de) te v(er)wachte(n) het sij dat die gegeve(n)/ worden voe(r) de vors(creven) gebruede(re)n oft d(aer) tegen die goede te/ wynnen en(de) te v(er)liesen en(de) vande(n) selve(n) vo(n)nisse t(er) behoerlik(er)/ plaetsen en(de) tot den behoirliken richte(re)n oft gerichte te appelle(re)n/ die appellacie(n) soe en(de) d(aer) dat behoert te v(er)volgene en(de)
//
voirt alle tgene d(aer) inne te doene en(de) te vorde(re)n beide inden/ rechte en(de) d(aer) buyten dat de vors(creven) gebruede(re) inden selve(n) saken/ souden mogen oft conne(n) gedoen oft sij d(aer) tegewordich waren/ En(de) hebben geloeft de vors(creven) gebruede(re) vast gestedich va(n) w(er)den/ en(de) onv(er)brekelic te houden en(de) te hebben tot ewige(n) dage(n) alle/ tgene des bid(er) vors(creven) marien hue(re)r sust(er) bedinght aengesproken/ v(er)antwert gethoent geappelleert gewonne(n) oft v(er)lore(n) sal worden/ en(de) desgelijx voer oic des bid(er) selv(er) marie(n) in v(er)pachtinge(n) oft/ hueri(n)gen d(er) selv(er) goeden gedaen en(de) van dien gehave(n) en(de) gebuert/ sal hebbe(n) alle argelist uutgesceid(en) cor(am) vos substituto roel(ants)/ tymple scab(inis) m(ar)tii xii