It(em) hebbe(n) de vors(creven) sculde(re)n t(er) eenre en(de) de vors(creven) claes t(er) and(ere) zijde(n)/ gecleert dat de vors(creven) schult va(n) xxv rins gul(den) spruyten(de) compt/ uute(n) v(er)coepe van vijftich steene pluyme(n) die de vors(creven) claes den/ vors(creven) sculde(re)n v(er)cocht en(de) gelev(er)t heeft Ende hebben malcande(re)n bevorw(er)t/ en(de) toegegeve(n) al eest soe dat de vors(creven) xxv rins gul(den) bekint en(de)/ geloeft sijn t(er) manissen te betalen dat de vors(creven) sculde(re)n nocht egeen/ van hen d(aer) inne gehouden sijn en sulle(n) enige betalinghe te doene/ de vors(creven) claes en sal tierst binnen sijne(n) huyse en(de) elswair niet/ soe bij hem selve(n) soe bij sine(n) huysgesi(n)ne en(de) and(ere)n knapen die hij/ d(aer) toe neme(n) en(de) setten mach [binnen eenen jare] volwracht hebben vijftich hondert soe/ yngelsscher [soe] oft yersscher conijns vellen [te samen oft elceen van dien] hem selve(n) en(de) nyeman(de)/ and(er)s d(aer) aen deilende toebehoe(re)nde te weten voir elc hondert/ gerekent hondert en(de) vijf velle(n) behoudelic dat hij die buyten/ sine(n) huyse binnen d(er) stat van loeven(e) en(de) niet d(aer) buyten mach doen/ vollen [tot sine(n) scoenste(n)] Met vurwerd(en) oft de vors(creven) vijftich hond(er)t vellen binne(n)/ eene(n) jae(re) biden vors(creven) clase gelijc vors(creven) steet niet volwracht en/ wae(re)n dat hij des niet te min d(aer) af een and(er) jaer aenneme(n)/ sal moge(n) [en(de) va(n) nouws begi(n)nen] alsoe dicke en(de) menichwerve(n) en(de) tott(er) tijt toe dat hij/ tgetal vanden vors(creven) velle(n) geheelic en(de) al op een jair gelijc vors(creven)/ steet bi(n)ne(n) sine(n) huyse vors(creven) volwracht sal hebben en(de) soe lange/ de vors(creven) xxv rins gul(den) derve(n) In desen voirt bevorwert ende/ ond(er)sproken oft de vors(creven) claes aflivich wordde voe(r) en(de) eer tgetal/ vande(n) vors(creven) velle(n) ind(er) manie(re)n vors(creven) bij hem volwracht wae(re)n dat/ dan de vors(creven) sculde(re)n gestaen sullen aenden huysvrouwen des vors(creven)/ claes mett(er) betalingen van xv rins gul(den) [te doene] elke(n) gul(den) gerekent als/ voe(r) als vanden xxv rins gul(den) vors(creven) en(de) niet meer Behoud(elic)/ indien dat de selve sijn huysvrouwe [alsd(an) eer sij totte(n) selve(n) xv ri(ns) gul(den) geraken sal] soe bij huer selve(n) soe bij hue(re)n/ huysgesi(n)ne oft ande(re)n knapen die sij d(aer) toe sal moge(n) neme(n) op/ een jair bi(n)ne(n) hue(re)n huyse tgetal va(n) vijftich hond(er)t conijns vellen/ gelijc vors(creven) steet huer selve(n) toebehoe(re)nde volwracht sal hebben sond(er)/ argelist En(de) int begi(n)nen vanden werke sullen de vors(creven) claes en(de)
//
sijn huysvrouwe oft deen van hen dat gehoude(n) sijn te condige(n)/ en(de) te laten weten den sculde(re)n vors(creven) en(de) voldaen hebben(de) hue(re)n/ eedt d(aer) toe te doene dat dat gesciet is op alle vurwerden/ en(de) (con)dicie(n) vors(creven) sond(er) fraude en(de) argelist cor(am) eisd(em)