Allen den ghenen dien dese l(ette)ren ghethoent zullen wordden/ burg(er)meeste(re)n scepen(en) ende raid der stad van loven(e) saluyt met/ kennissen der wairh(eit) doen te weten(e) dat opden dach van heden voir/ ons come(n) is in p(ro)pren p(er)sone beatrijs docht(er) pirarts wijlen loiste/ wed(uwe) pet(er)s wijlen le ta(n)neur Ende heeft met hare(n) vryen eyghen(en)/ wille gheconstitueert ghesedt ende volcome(n) macht ghegeve(n) andriese/ le ta(n)neur hue(re)n zone tyerst uut hue(re)n brode wettelijken ghedaen sijnde/ alle huer goide chijse renten erfpachte(n) lijfrenten jairgulde(n) en(de) schulde(n)/ te mille te ha(m)me te gottekem [en(de) d(aer) omtrent] ende elswair bynne(n) den lande van brab(ant)/ ende men huer schuldich es oft naemaels wesen sal te manen te eyssche(n)/ op te bue(re)n ende tontfanghe(n) aen wat p(er)soene(n) oft goede(n) oft te wat stede(n)/ oft plaetsen dat dat sijn mach Dair vore te panden te daghen(e) te/ beleyden(e) ende rastemente te doen legghen(e) nae ghewoente ende costume/ vander plaetssen dair dat behoe(re)n sall oft behoere(n) soude moghe(n) ende
//
op dats noot ghebuerde voir alle richte(re)n gheestelick ende weerlick/ met rechte te vervolghen(e) te verantw(er)dene te beschudden(e) ende in aenlegg(er)s/ oft v(er)antw(er)ders stad te bedinghen(e) die te wynne(n) ende te v(er)liesen thonisse/ ende wairheid(en) te leyden ende vander wederp(ar)tijen te sien leyden yeghe(n)/ hue(re)n p(er)soen ende ghetuyghenissen te excipieren(e) ende te oppone(re)n/ composicie ende mynlijke yffeninghe dair aff te maken den schulde(re)n/ van des hij ontfanghe(n) sal quijt te schilde(n) ende quijtan(cie) te gheven en(de)/ de omberuerlijke goide des voirs(creven) beatrijs in jairscharen uut te gheve(n)/ te verpachte(n) ende te v(er)hue(re)n en(de) voirtaen g(e)n(er)alick ende sp(eci)alick allet/ tghene dair inne te doene ende te vorderen(e) dat de selve beatrijs/ selve soude moghen doen waert dat sij teghewordich ende voir oeghe(n)/ wair Gheloven(de) de selve beatrijs bij hair(er) trouwen in stad van eede/ ende opt verbont van allen haire(n) goeden beruerlick en(de) omberuerlick/ teghewordighe ende toecomen(de) tot ewighen daghen goet vast ghestentich/ van weerde(n) en(de) onv(er)brekelick te houden(e) ende te hebbene alle tghene des/ bijden voirs(creven) andriese hue(re)n zone en(de) p(ro)cur(eur) h(ier) inne ghedaen ende/ ghevord(er)t sal wesen in e(n)nig(er) manie(re)n alle arghelist uutghescheyden/ due(re)nde dese p(ro)curacie en(de) in mechtich(eit) totte(n) wederroepe(n) der voir(screven) beatrijs/ ende niet langhe(r) cor(am) hoeve(n) burg(imagistr)[o] roelants oud(erogghe) scab(inis) febr(uarii) ulti(m)a