Allen den ghenen (et)c(etera) dat heylwijgh weduwe jans wilen neve woenen(de)/ nut(er)tijt te loeven heeft geordineert gestelt en(de) gemaict en(de) met des(er) l(ette)ren/ ordineert stelt ende maict heuren p(ro)cur(eur) en(de) voergange(r) meest(er) janne/ vander capellen prieste(r) in allen heuren saken geschillen ende bederve(n)/ die zij nu te doen heeft of namails hebben sal in aenlegg(er)s of verweerd(er)s/ stad hoedanich die saken zijn Gevende en(de) verleenende de vors(creven) (con)stitueer/ dersse den vors(creven) heuren p(ro)cureur volcomen macht auctoriteit en(de) zunder/ linghe beveel alle de selve saken met rechte te verwaren te beschudden/ te vervolghen en(de) te bedinghen tallen plaetsen en(de) gerichten ende tegen/ eene(n)yegeliken dair dat behoeven sal moeghen Ende desgelijcx om/ alle der vors(creven) constitueerd(er)ssen tsijze rinten pachten en(de) ande(re) schulden/ diemen huer nu sculdich es oft namails wesen sal te manen teyschen/ op te boe(re)n en(de) tontfanghen den sculde(re)n van zinen ontfanghe quijt/ te schelden en(de) quitancie te gheven d(air) voe(r) te panden te daghen en(de) rasta/ mente te lebben composicie en(de) mynlike yffeninghe dairaf te maken/ ende oic [om] tontfanghen tot zij desselfs meester jans ende zijnre/ erfgenamen en(de) nacomelinghen behoef [alsulken guedinghe erfenisse en(de) vestich(eyt) alsoe sij siet] als de he(re) van gaesbeke der/ vors(creven) constitueerd(er)ssen sculdich es te doene van sess rijnsch(e) gulden(en)/ erfliker rinten op zeke(re) goede den vors(creven) he(re) van gaesbeke toebehoiren(de)/ te heze gelegen Ende [oic] de voirs(creven) tsijze rinten pachten en(de) sculden/ met rechte te v(er)volgen en(de) te bedinghen die te wynnen en(de) te verliesen/ tallen plaetsen en(de) voir alle gerichten dair dat behoeven en(de) te doen sal/ wesen en(de) alle poenten en(de) articulen van rechte dair toe te vorde(re)n die/ na recht of costume vand(en) plaetsen dair dat geboert behoiren moeghen/ en(de) hem orberlic dunc den vors(creven) p(ro)cur(eur) orberlic duncken selen Ende/ voerts alle tghene (et)c(etera) Gelovende vast (et)c(etera) cor(am) tybe burg(imagistro) blanck(aer)t/ hoeven scab(inis) maii xxvi