It(em) jacop vanden poele in p(rese)nc(ia) der scepen(en) van loven(e) ghestaen heeft/ ghekint ende ghelijt inden name ende tot behoef pet(er)s vanden berghe/ wonen(de) inde hoelstrate inden spieghel als van alsulken xx rins gul(den)/ lijft(ochten) halff opden ix[te(n)] dach van octobri en(de) halff opden ix[te(n)] dach van/ van april te betalen(e) staen(de) opde h(er)berghe gheheete(n) den spieghel geleg(en)/ inde hoelstrate ende op ix mudde(n) rox erfl(ijck) opde wat(er)molen gheheete(n)/ eveloeghe ghelegen inde werfst Dair af de betalinghe vanden selve(n)/ xx rins gulden(en) willem(me) vand(er) hofstad en(de) janne de bruyne schilde(r) des/ voirs(creven) jacops vanden poele leefdaghe langk due(re)nde geschiet en(de) gedaen es/ en(de) die bijden voirs(creven) willem(me) en(de) janne den voirs(creven) jacoppe oft sine(n) zeke(re)n/ bode op behoirlijke quitan(cie) voort toegeseet ende ghelooft sijn uut te reyken/ Ghelijck den scepen(en) brief van loven(e) dair op ghemaect met zeke(re)n vurw(er)de(n)/ dair aen clevende vand(er) dat(um) xiiii[c] lxiiii april(is) ix dat innehult/ en(de) beg(ri)pt dat de voirs(creven) peet(er) hem jacoppe voirs(creven) gheheelick en(de) al van/ allen den pachten der voirs(creven) xx rins gul(den) gevallen en(de) v(er)schine(n) zeder den dat(um)/ vand(en) voirs(creven) scepen(en) brieve totte(n) daghe toe van heden voldaen en(de) v(er)nueght/ heeft alsoe wale vanden t(er)mijne vanden ix[te(n)] daghe deser tegewoirdig(er)/ maent octobr(is) voirleden gevalle(n) en(de) verschene(n) als ande(re)n den selve(n) pete(re)n/ en(de) de voirs(creven) goede en(de) alle ande(re) des quitan(cie) behoeven(de) dair af volcomenlijck/ quijtschilden(de) P(ro)mittens nullat(enu)s alloqui cor(am) hanck(ar)t hove octobr(is) xxiiii